برطانیہ میں ہونے والی ایک نیلامی میں چھوٹی سی ’کیتلی ‘ پانچ لاکھ ڈالر یعنی 8 کروڑ 30 لاکھ پاکستانی روپے میں فروخت ہوئی ہے ۔
ہواکچھ یوں کہ لاک ڈاؤن کے دوران ڈربی شائر، برطانیہ کہ ایک 51 سالہ شخص کو گھر کے گیراج میں صفائی کے دوران یہ چھوٹی سی ’کیتلی‘ملی جس پر مذکورہ شخص نے آثار قدیمہ سے رابطہ کیا ۔
مزکورہ شخص کے مطابق یہ کیتلی اس کے دادا کی تھی جودوسری جنگِ عظیم کےدوران مشرقِ بعیدکےمحاذ پر تعینات تھے اور وہیں سے یہ کیتلی لائے تھے۔
ماہرین کے مطابق یہ کیتلی نہیں بلکہ ’’شراب دان‘‘ (ewen) ہے جو شاید اٹھارویں صدی عیسوی میں چینی بادشاہ کیانلونگ (Qianlong) کے استعمال میں رہا کرتا تھا۔ تقریباً اسی جیسے دو اور شراب دان بالترتیب چین اور تائیوان کے عجائب گھروں میں موجود ہیں۔ یعنی یہ ’کیتلی‘ ان صاحب کی توقعات سے بھی بڑھ کر نایاب ثابت ہوئی جسے انہوں نے ’’ہینسن آکشنرز‘‘ کی ویب سائٹ پر آن لائن نیلامی کےلیے رکھوا دیا۔
ہینسن آکشنرز کو امید تھی کہ یہ 50 ہزار ڈالر تک میں نیلام ہوجائے گا لیکن آن لائن بولی لگانے والے اسے زیادہ سے زیادہ قیمت پر خریدنے کی کوشش کرنے لگے۔
ایسے ہی ایک گاہک نے 24 ستمبر کی آن لائن نیلامی یہ ’کیتلی‘ تقریباً پانچ لاکھ ڈالر میں خرید لی… اور اس طرح گھر کے کاٹھ کباڑ میں پڑی ایک چھوٹی سی چیز نے اپنے مالک کو مالدار بنا دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News