بولر شاہین شاہ آفریدی نے ٹی ٹوئنٹی کرکٹ میں ڈبل ہیٹ ٹرک کرلی


اریبہ نثارویب ایڈیٹر

21st September, 2020

پاکستانی فاسٹ بولر شاہین شاہ آفریدی نے ٹی ٹوئنٹی کرکٹ میں ڈبل ہیٹ ٹرک کرلی ہے۔

تفصیلات کے مطابق  شاہین شاہ آفریدی یہ کارنامہ انجام دینے والے پہلے بولر بن گئے۔

شاہین آفریدی نے جان سمپسن، اسٹیون فن، تھلن ولالاویتا اور ٹم مرتف کو آؤٹ کرکے اپنی ڈبل ہیٹ ٹرک مکمل کی۔

شاہین شاہ آفریدی نے میچ میں مجموعی طور پر 6 وکٹیں حاصل کیں اور اپنی ٹیم کو 20 رنز سے کامیابی دلوائی۔

شاہین آفریدی کی ان چار وکٹوں سے متعلق دلچسپ بات یہ ہے کہ انھوں نےتمام کھلاڑیوں کو کلین بولڈ کیا۔

خیال رہے کہ ٹی ٹوئنٹی کرکٹ میں مجموعی طور پر سات بولرز چار گیندوں پر چار وکٹیں حاصل کر چکے ہیں۔

واضح رہے کہ یہ کارنامہ انجام دینے والے وہ پہلے پاکستانی بولر بن گئے۔