پاکستان پیپلزپارٹی کے چیئرمین بلاول بھٹو زرداری نے کہا ہے کہ پاکستان جمہوری تحریک جمہوری پاکستان کی جانب ایک اہم قدم ہے۔
تفصیلات کے مطابق وزیراعظم کے مشیر برائے پارلیمانی امور ڈاکٹر بابر اعوان نے سماجی رابطے کی ویب سائٹ ٹویٹر پر اپنے ایک پیغام میں کہا کہ ڈکٹیٹرشپ کے خلاف مزاحمت کرنے والی ایم آرڈی اور اے آرڈی کی طرح پی ڈی ایم کی صورت میں تمام جمہوری قوتیں متحد ہوچکی ہیں۔
Pakistan democratic movement is an important step towards a democratic Pakistan. Like the MRD & ARD movements resisting dictatorships, #PDM has united all democratic forces. It has a clear, concrete plan of action to restore freedom & dignity of our people, parliament, democracy.
— BilawalBhuttoZardari (@BBhuttoZardari) September 20, 2020
اپنے پیغام میں پاکستان پیپلزپارٹی کے چیئرمین بلاول بھٹو زرداری نے مزید کہا کہ یہ بالکل واضح اور ٹھوس منصوبہ ہے کہ عوام، پارلیمان اور جمہوریت کی آزادی اور وقار کو بحال کرنا ہے۔
دوسری جانب ترجمان بلاول ہاؤس سریندر ولاسائی نےاپنے بیان میں کہا کہ حزب اختلاف کے اتحاد کے بعد عالمی بھکاری اور چندہ چور مشیر تلملا اٹھے عمران نیازی کے دھاڑی باز طوطے اپنی نوکری بچانے میں لگ گئے ہیں۔
ترجمان بلاول ہاؤس نے یہ بھی کہا کہ نالائق، نااہل کٹھ پتلی حکومت کے دن گنے جا چکے ہیں جبکہ بلاول بھٹو کی قیادت میں ملک کی جمہوری قوتیں ایک پیج پرآچکی ہیں۔
ترجمان بلاول ہاؤس سریندر ولاسائی نے مزید کہا کہ ملک کو لوٹنے کا بین الاقوامی عمرانی میلہ اب اختتام پذیر ہونے والا ہے، کٹھ پتلی تماشہ اب بند کرنا ہوگا جبکہ تمام کٹھ پتلی طوطوں کے نام بلا تاخیرای سی ایل میں ڈالے جائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News