ملکہ برطانیہ ایلزبتھ دوم کا شادی کا جوڑہ نمائش کیلئے پیش کردیا گیا۔

برطانوی میڈیا کےمطابق ملکہِ برطانیہ کا شادی کا دیدہ زیب جوڑہ اُن کی پوتی شہزادی بیٹرس نے بھی اپنی شادی پر زیب تن کیا تھا، اب عوام کے لیے ونڈسر پیلس میں نمائش کے لیے رکھ دیا گیا ہے۔

برطانوی شہزادی بیٹرس نے رواں سال جولائی میں اپنی شادی کی تقریب میں ملکہ برطانیہ کا شادی کا لباس پہنا تھا جو ان کی دادی نے 58 سال پہلے زیب تن کیا۔

 لباس کی تاریخی حیثیت کو مدنظر رکھتے ہوئے اے ونڈسر پیلس نمائش کے لیے رکھ دیا گیا ۔

اس لباس کو نمائش کے لیے رکھنے کی ایک وجہ یہ بھی ہے کہ اس لباس کو برطانوی شاہی خاندان کی تاریخ میں منفرد حیثیت حاصل ہوگئی ہے کیوں کہ یہ ملکہ برطانیہ کا واحد لباس ہے جو ان کی پوتی نے عروسی جوڑے کے طور پر استعمال کیا۔

ملکہ کے لیے یہ لباس معروف برطانوی فیشن ڈیزائنر نورمن ہارٹنیل سے تیار کرایا گیا تھا جس میں خالص ریشم استعمال ہوا تھا اور چاندی کی کڑھائی سے لباس کو چار چاند لگائے گئے تھے اس لباس کی ایک اور خاص بات اس پر ڈیزائنر نورمن کے دستخط ہونا بھی ہے۔