وزیر اعظم عمران خان نے وفاقی کابینہ کا اجلاس کل طلب کرلیا، وفاقی کابینہ اجلاس کا 16 نکاتی ایجنڈا جاری کردیا گیا۔

تفصیلات کے مطابق وزیراعظم عمران خان نے وفاقی کابینہ کا اجلاس کل طلب کیا ہے،اجلاس میں سولہ نکاتی ایجنڈے پر غور کیا جائے گا۔

وفاقی کابینہ اجلاس میں ملکی سیاسی معاشی اقتصادی صورتحال کا جائزہ لیا جائیگا جبکہ قرضوں اور ڈیبٹ سروسنگ اور پاور سیکٹر میں ریفارمز پر بریفنگ دی جائے گی۔

وفاقی کابینہ اجلاس کے سولہ نکاتی ایجنڈے میں برطانوی ائیر لائن اٹلانٹک ائیر ویز کی پاکستان میں سروس کی منظوری دی گئی جبکہ ٹی سی پی کےزریعے گندم کی امپورٹ کےلئے ایک ٹائم کی اجازت کی منظوری اور اسلام آباد وائلڈ لائف مینجمنٹ بورڈ کے نان آفیشل ممبرز کی تعیناتی ایجنڈا کا حصہ ہے۔

ذرائع کا کہنا ہے کہ ایف آئی اے شیڈول آف افینسز میں نئے قوانین کا اندراج جبکہ افغانستان سے متعلق ویزا پالیسی کی تبدیلی پر بریفنگ بھی ایجنڈا میں شامل ہے۔

ذرائع کا یہ بھی کہنا ہے کہ بائیولوجیکل ادوایات کےلئے ماہر کی تعیناتی کابینہ جبکہ میڈیکل اینڈ ڈینٹل کونسل کے آئین کی منظوری بھی کابینہ ایجنڈا میں شامل ہے۔

ذرائع کے مطابق پاکستان ریلویز کی بحالی اور تنظیم نو کا پلان کابینہ میں پیش کیا جائیگا جبکہ پاکستان کونسل آف سائنٹیفیک اینڈ انڈسٹریل ریسرچ کے چیئرمین کی تقرری ایجنڈا میں شامل ہے۔

ذرائع کا کہنا ہے کہ ارسا میں ٹیلی میٹری سسٹم کی توڑ پھوڑ پر انکوائری کا معاملہ اور نیلم جہلم ہائیڈرو پاور کمپنی کے سی ای او کی وفاقی حکومت کی منظوری کے بغیر تقرری کا معاملہ کابینہ ایجنڈا میں شامل ہے۔

ذرائع کا مزید کہنا ہے کہ اسلام آباد کلب کے ایڈمنسٹریٹر کی تقرری ایجنڈا کا حصہ ہے جبکہ اقتصادی رابطہ کمیٹی کے 23 ستمبر کے فیصلوں کی توثیق اور کابینہ کی کمیٹی برائے توانائی کے 24 ستمبر کے فیصلوں کی توثیق کابینہ ایجنڈا میں شامل ہے۔