اسلام آباد ہائیکورٹ کی جانب سے سیکیورٹیز اینڈ ایکسچینج پاکستان (ایس ای سی پی) کے لاپتہ افسر ساجد گوندل کو پیر تک بازیاب کرانے کا حکم دے دیاگیا ہے۔

تفصیلات کے مطابق چیف جسٹس اسلام آباد ہائکورٹ جسٹس اطہر من اللہ نے مغوی کی والدہ کی درخواست پر احکامات جاری کیے ہیں۔

عدالتی حکمنامے میں کہا کہ پیر کو دو بجے تک ساجد گوندل بازیاب نہ ہوئے تو سیکرٹری داخلہ خود پیش ہوں۔

انہوں نے کہا کہ ساجد گوندل کی عدم بازیابی کی صورت میں چیف کمشنر اور آئی جی پولیس بھی عدالت پیش ہوں۔

عدالت نے ایس ای سی پی کے جوائنٹ ڈائریکٹر کے اغوا کا معاملہ وفاقی کابینہ کے سامنے رکھنے کا بھی حکم دیا ہے جبکہ آج کے حکمنامے کی کاپی سیکرٹری کابینہ ڈویژن کو بھیجنے کی ہدایت کی ہے۔