وفاقی وزیر تعلیم شفقت محمود کا کہنا ہے کہ طلبہ کی صحت ہماری اولین ترجیح ہے تاہم تعلیمی ادارے بند کرنے سے متعلق جلد بازی کا کوئی بھی فیصلہ تعلیم کو تباہ کرے گا۔

شفقت محمود نے ٹویٹر پر بیان جاری کیاہے کہ 6 ماہ تعلیمی ادارے بند ہونے سے طلبہ کا بہت نقصان ہوا اور تعلیمی ادارے کھولنے کا فیصلہ مکمل احتیاط کے ساتھ کیا گیا۔

90% of our govt and low fee paying private schools do not have online teaching facilities. When these institutions close down most students get no education at all. Learning loss is immense and can take years to recover. While health is a priority, this factor must b kept in mind https://t.co/nV1kP53YgC

— Shafqat Mahmood (@Shafqat_Mahmood) September 19, 2020

انہوں نے کہا کہ ہمارے 90 فیصد سرکاری اور کم فیسوں والے نجی تعلیمی اداروں کے پاس آن لائن ٹیچنگ کی سہولیات نہیں ہیں اور جب ان اداروں کو بند کریں گے تو بیشتر طلبہ تعلیم سے محروم ہوجائیں گے۔

وفاقی وزیر تعلیم نے مزید کہا کہ تعلیم کا ایک بڑا نقصان ہوا ہے جس کے ازالے میں سالوں لگ سکتے ہیں جب کہ صحت ایک ترجیح ہے اس لیے اس عنصر کو بھی ذہن میں رکھا جائے۔