پاکستان کے معروف اداکار یاسر حسین نے اپنے دوست علی زریون کی ایک سال قبل لکھی گئی نظم ’مملکتِ خداداد‘ پڑھ کے سُنا دی۔
اداکار یاسر حسین نے ملک بھر میں زیادتی کے بڑھتے واقعات کو مد نظر رکھتے ہوئے فوٹو اینڈویڈیو شیئرنگ ایپ انسٹاگرام پر ویڈیو پوسٹ کی جو سوشل میڈیا پر وائرل ہوگئی۔
ویڈیو میں اداکار اپنے دوست علی زریون کی ایک سال پُرانی نظم ’مملکتِ خداداد‘ پڑھتے نظر آرہے ہیں۔
یاد رہے کہ 2 منٹ 4 سیکنڈز پر مشتمل یاسر حسین کی اس معنی خیز ویڈیو پر اب تک ایک لاکھ 82 ہزار سے زائد ویوز آچکے ہیں۔
یاسر حسین نظم کا آغاز کرنے سے پہلے بتایا کہ جو نظم وہ آج پڑھنے جارہے ہیں وہ اُن کے دوست علی زریون نے ایک سال پہلے لکھی تھی جب زیادتی کے واقعات بڑھ گئے تھے لیکن افسوس کی بات یہ ہے کہ ایک سال بعد بھی زیادتی کے افسوسناک واقعات میں مزید اضافہ ہوتا جارہا ہے۔
اداکار نے کہا کہ وہ ملک کی موجودہ صورتحال کو مد نظر رکھتے ہوئے یہ نظم پڑھ رہے ہیں جس کا عنوان ’مملکتِ خداداد‘ ہے۔
یاسر حسین نے کیمشن میں لکھا کہ علی زریون کی یہ نظم اس دُنیا میں موجود ہر اُس انسان کے لیے ایک سوال ہے جو جنسی زیادتی کو ایک عام حادثہ سمجھ کر بھول جاتا ہے۔
اداکار نے لکھا کہ ریپسٹ ایک چور نہیں ہے کہ جسے پکڑ کر سلاخوں کے پیچھے ڈالا جائے بلکہ وہ ایک وحشی درندہ ہےجسے سرِعام پھانسی دینا بہت ضروری ہے۔
یاسر حسین نے اپنی پوسٹ کے کیپشن میں ہیش ٹیگ HangTheRapist بھی استعمال کیا۔
واضح رہے کہ یاسر حسین نے ویڈیو میں نظم کا عنوان بتانے کے بعد اس نظم کے تمام سطر بڑے ہی خوبصورت انداز میں پڑھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News