فواد چوہدری کے اقدام پر شوبز ستارے بہت خوش


اریبہ نثارویب ایڈیٹر

25th October, 2020
رویت حلال

پاکستان شوبز ستارے وفاقی وزیر برائے سائنس و ٹیکنالوجی فواد چوہدری کے اقدام پر خوشی کا اظہار کر رہے ہیں۔

فواد چوہدری نے پاکستان میں نیٹ فلکس کی طرز پر پہلی تیز ترین اوور دی ٹاپ (او ٹی ٹی) سروس شروع کرنے کے اعلان کیا ہے۔

اس حوالےسے شوبز ستارے خوش ہیں اور وفاقی وزیر کے اس اقدام کو خوب سراہ رہے ہیں۔

یاد رہے کہ گزشتہ دنوں فواد چوہدری نے ٹوئٹر پر جاری اپنے پیغام میں کہا تھا کہ ٹیکنالوجی کا معاملہ حل کرلیا گیا ہے اور ہم جلد ہی نیٹ فلکس کی طرز پر پہلا او ٹی ٹی لانچ کرنے جا رہے ہیں۔

وفاقی وزیر نے کہا کہ پیمرا کو بھی نشریاتی مواد پر گائیڈ لائن تیار کرنے کو کہا گیا ہے۔

انہوں نے بتایا تھا کہ جیسے ہی پیمرا کی گائیڈ لائنز ملتی ہیں نجی کمپنیز کے اشتراک سے او ٹی ٹی سروس شروع کریں گے۔

دوسری جانب اس اقدام کو سراہاتے ہوئے پاکستان شوبز انڈسٹری کے نامور اداکار ہمایوں سعید نے فواد چوہدری کے ٹوئٹ پر ردعمل دیتے ہوئے کہا کہ ’یہ پاکستان میڈیا کیلئے بہت بڑی خوشخبری ہے۔‘

اداکار نے لکھا کہ یہ اقدام وقت کی اہم ضرورت تھا، اس سے بہت سے باصلاحیت نوجوانوں کو روزگار کے مواقع میسر آئیں گے۔

علاوہ ازیں عالمی شہرت یافتی گلوکارعلی ظفر نے بھی فواد چوہدری کے اس اقدام کو سراہا۔

واضح رہے کہ فواد چوہدری کے اس اعلان پر خوشی کا اظہار کرنے والے شوبز ستاروں میں حریم فاروق، اسد صدیقی، عثمان خالد بٹ، شان اور دیگر شامل ہیں۔