ڈائریکٹرجنرل میجرجنرل بابر افتخار نے کہا ہے کہ قوم نائیک سیف علی جنجوعہ شہید کی قربانی کی بے انتہا قدر کرتی ہے۔

پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا کہ نائیک سیف علی جنجوعہ شہید کے یوم شہادت پر خراج عقیدت پیش کرتے ہوئے کہا کہ آزادی کشمیر کے لیئے جدوجہد کرنے والوں کے لیئے شہید سیف علی جنجوعہ کا لافانی عمل  روشن مثال ہے۔

Gallantry of Naik Saif Ali Janjua Shaheed, NH, will forever remind us of our commitment to #Kashmir. His immortal action is glowing precedent for those struggling to restore the sanctity of land that he laid his life for. Nation venerates his sacrifice.

— DG ISPR (@OfficialDGISPR) October 25, 2020

اپنے پیغام میں ڈی جی آئی ایس پی آر میجر جنرل بابر افتخار نے مزید کہا کہ قوم نائیک سیف علی جنجوعہ شہید کی قربانی کی بے انتہا قدر کرتی ہے جبکہ نائیک سیف علی شہید کی بہادری ہمیں ہمیشہ کشمیر پر ہمارا عزم یاد کراتی رہے گی۔

یاد رہے نائیک سیف علی نے اپنے ساتھیوں کے ساتھ مل کر دشمن کا بڑا حملہ پسپا کیا اور 25 اور 26 اکتوبر کی درمیانی شب دشمن کی توپ کا ایک گولہ لگنے سے آپ شہید ہوگئے تھے۔

1948 میں پاک بھارت جنگ کے دوران جرات و بہادری سے لڑتے ہوئے شہید ہونے والے نائیک سیف علی جنجوعہ کو ہلال کشمیر سے نوازا گیا، جسے بعد ازاں نشان حیدر کے اعزاز میں بدل دیا گیا یوں نشان حیدر حاصل کرنے والے وہ پہلے کشمیری شہید بن گئے۔

آزاد کشمیر کی تحصیل نکیال کےسپوت نائیک سیف علی شہید نے 1948 کی پاک بھارت جنگ میں پیرکلیوہ کےمقام پر دشمن کو ناکوں چنے چبواتے ہوئے جام شہادت نوش کیا۔