وزیراعلیٰ سندھ مراد علی شاہ سے ترکی کے مارف فائونڈیشن آف ٹرسٹیز (انٹرنیشنل اسکول اینڈ کالجز) کے وفد کی ملاقات ہوئی ہے۔

ترکی کے مارف فائونڈیشن آف ٹرسٹیز (انٹرنیشنل اسکول اینڈ کالجز) کے وفد نے کہا کہ 43 ممالک میں وہ تعلیم کے شعبے میں کام کر رہے ہیں جبکہ ماف فائونڈیشن اسٹوڈنٹس کو اسکالرشپ بھی دیتی ہے۔

ترکش وفد نے یہ بھی کہا کہ کراچی میں 3، جام شورو اور حیدرآباد میں ایک ایک ترکش فائونڈیشن کے کیمپس ہیں جبکہ کراچی کے تین کیمپس میں 1000 بچے تعلیم حاصل کر رہے ہیں

ترکش وفد نے مزید کہا کہ فائونڈیشن کے پاکستان میں 1200 اسکولز ہیں جبکہ ہم سندھ میں تعلیمی شعبی میں کام کرنا چاہتے ہیں۔

اس موقع پر وزیراعلیٰ سندھ مراد علی شاہ نے کہا ک سندھ میں اسکول، کالج اور یونیوسٹیز میں سرمایہ کاری کے مواقع ہیں۔

مراد علی شاہ نے وفد کی درخواست پر کہا کہ ماف فائونڈیشن کیلئے کو وزیراعلیٰ سندھ نے اسکول ایڈاپ پالیسی کے تحت کمپری ہینسو اسکول چلانے کی بھی آفر کی۔

وزیراعلیٰ سندھ مراد علی شاہ نے مزید کہا کہ ترکش ماف فائونڈیشن ایڈاپ اسکول کیلئے سندھ ایجوکیشن ڈپارٹمنٹ سےرابطہ کرے، تعلیم ایک سروس ہے اس کے لئے جتنا بھی کام کیا جائے کم ہے، ہم آپ کو سندھ میں تعلیم کے شعبے میں خوش آمدید کہتے ہیں۔

ملاقات میں میں وزیر تعلیم سعید غنی، سیکریٹر تعلیم احمد بخش ناریجو، پرنسپل سیکریٹری ساجد جمال ابڑو، سیکریٹری کالجز باقر نقوی اور دیگر شریک ہوئے جبکہ وفد میں ترکی کے قونصل جنرل مسٹر ٹولگا اکاک ،ٹرسٹ کے اراکین، پروفیسر سہاد ڈمیریلی ، ڈاکٹر حسن ٹاسکی، ہارون کسکا لاڈگی شامل ہے۔