جمائما گولڈ اسمتھ نے مداحوں کو بڑی خوشخبری سُنا دی

اریبہ نثارویب ایڈیٹر

19th Oct, 2020. 05:51 pm

وزیر اعظم پاکستان عمران خان کی سابقہ اہلیہ اور فلم پروڈیوسر جمائما گولڈ اسمتھ نے مداحوں کو بڑی خوشخبری سُنا دی۔

تفصیلات کے مطابق  فلم پروڈیوسر جمائما گولڈ اسمتھ نے ٹی وی اور فلم میں دلچسپی رکھنے والے باصلاحیت نوجوانوں کو یہ خوشخبری سُنائی۔

جمائما نے سماجی رابطے کی ویب سائٹ ٹوئٹر پر پر برطانوی سیاستدان رشی سُناک کا ٹوئٹ شیئر کیا ہے۔

جس میں انہوں نے فلم اور ٹی وی انڈسٹری میں ایک لاکھ 80 ہزار سے زائد ملازمتوں کی حمایت کی تھی۔

برطانوی سیاستدان رشی سُناک کا اپنے ٹوئٹ میں کہنا تھا کہ ٹی وی اور فلم انڈسٹری سالانہ معیشت میں 12 بلین ڈالر کی شراکت کرتی ہے۔

انہوں نے بتایا رواں برس کورونا وائرس کے باعث ایسا ممکن نہ ہوسکا تھا۔

دوسری جانب رشی سُناک نے اپنے ٹوئٹ میں یہ بھی لکھا کہ کورونا وائرس کے باعث پیدا ہونے والے حالات کے پیشِ نظر ایک نئی انشورنس پالیسی متعارف کروائی جارہی ہے۔

اس پالیسی کے ذریعے آرٹس کے لوگوں کو کام پر واپس آنے میں مدد ملے گی۔

رشی سُناک کے جواب میں وزیر اعظم پاکستان عمران خان کی سابقہ اہلیہ جمائما نے خوشی کا اظہار کیا۔

 جمائما نے کہا کہ یہ ایک بہت اچھی خبر ہے جو وقت کی اہم ضرورت بھی ہے۔

 انہوں نے مشورہ دیا کہ براہِ کرم 70 برس سے زائد عمر کے انڈسٹری کے بہت سے ہنرمند افراد کے لیے کوئی حل تلاش کریں تاکہ وہ بھی کام جاری رکھیں۔

دوسری جانب جمائما سوشل میڈیا پر اپنی حکومت کے خلاف بےباک اظہار خیال کرنے والی جمائما نے اپنے ٹوئٹ میں ایک بار پھر ڈھکے چھپے الفاظ میں حکومت کو تنقید کا نشانہ بنایا تھا۔

واضح رہے کہ جمائما نے بتایا کہ ہم اس مقام پر پہنچ چکے ہیں کہ کورونا وائرس خود ایک پریس کانفرنس کرے اور ہمیں بتائے کہ اس حکومت سے کیسے چھٹکارا حاصل کیا جاسکتا ہے

Adsence 300X250