پیپلز پارٹی رہنما خورشید شاہ پر 24 اکتوبر کو فرد جرم عائد کی جائے گی۔
تفصیلات کے مطابق احتساب عدالت سکھر میں آمدن سے زائد اثاثہ جات کیس کی سماعت ہوئی۔
عدالت نے خورشید شاہ و دیگر پر 24 اکتوبر کو فرد جرم عائد کرنے کی تاریخ مقرر کر دی۔
ذرائع کے مطابق احتساب عدالت نے قومی احتساب بیوروکی حتمی ریفرنس کی درخواست منظور کر لی۔
پیپلزپارٹی کے رہنما خورشید شاہ نے احتساب عدالت سکھر کے باہر میڈیا سے گفتگو کرتے ہوئے کہا کہ ملک کے معاشی حالات بہتر نہیں ہیں ،مہنگائی عروج پر ہے، پی ٹی آئی حکومت نے ملک کو داؤ پر لگادیا ہے عوام خودکشی کررہے ہیں۔
انھوں نے کہا کہ مسائل کا حل پارلیمان میں موجود ہے، لیکن موجودہ حکومت پارلیمان تک عوامی نمائندوں کو پہنچنے نہیں دے رہی ، مجھ پر لگائے گئے الزامات جھوٹے ہیں مجھے ایوان سے دور رکھا جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News