ٹک ٹاک کو پاکستان میں بند کردیا گیا
پاکستان ٹیلی کام اتھارٹی (پی ٹی اے) نے موبائل ایپلیکیشن ٹک ٹاک...
حکومت پاکستان کی جانب سے ٹک ٹاک پر پابندی لگانے کی وجہ سامنے آگئی۔
تفصیلات کے مطابق وزیراعظم عمران خان کے معاون خصوصی شہباز گل کا کہناہےکہ موبائل ایپ ٹک ٹاک کو غیر اخلاقی مواد کے باعث بند کیا گیا ہے۔
شہباز گل نے کہا کہ وزیراعظم سے کچھ والدین نے ٹک ٹاک سے متعلق شکایت کی تھی ۔
انہوں نے کہا کہ ٹک ٹاک انتظامیہ سے ضابطہ اخلاق بنانے سے متعلق بات چیت جاری ہے۔ اگر ٹک ٹاک انتظامیہ نے اخلاقی ضوابط پر عمل کیا تو ایپ کو پاکستان میں دوبارہ بحال کردیں گے۔
دوسری جانب پاکستان میں ٹک ٹاک کی بندش کے معاملے پر وفاقی وزیر برائے سائنس اور ٹیکنالوجی فواد چوہدری نے وزیراعظم کو خط لکھنے کا فیصلہ کرلیا ہے۔
فواد چوہدری نے کہا ہے کہ وزیراعظم سے درخواست کروں گا کہ ٹیکنالوجی پر پابندی نہ لگائی جائے۔
یاد رہے کہ پاکستان ٹیلی کمیونیکیشن اتھارٹی (پی ٹی اے) نے گذشتہ روز چینی سوشل میڈیا ایپ ٹک ٹاک پر پابندی عائد کرنے کا اعلان کیا تھا۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News