پی آئی اے کا کینیڈا کی پروازوں کیلئے کرایوں میں 15 فیصد کمی کا اعلان
پاکستان انٹرنیشنل ایئر لائن (پی آئی اے )نے پاکستان سے کینیڈا جانے...
, قومی ایرلائن پی آئی اے کی ایرہوسٹس نے لاکھوں روپے مالیت کے اماراتی درہم مسافر کو واپس کر کے ایمانداری کی مثال قائم کر دی۔
تفصیلات کے مطابق قومی ایرلائن کی دبئی سے کراچی پہنچے والی پرواز پی کے 214 میں 6 ڈی سیٹ پر سفر کرنے والے مسافر کراچی پہنچنے پر اپنا والٹ طیارے میں ہی بھول گیا تھا۔
ایسے میں ایرہوسٹس بشرا سلیم سفر کرنے والے مسافر کے 21 ہزار385 یو اے ای درہم ملے جو اس نے اپنے سینئر افسران کو اطلاع دیکر دے دیے۔
خیال رہے ملنے والے غیرملکی کرنسی کی پاکستانی روپوں میں مالیت 9لاکھ 50 ہزار روپے سے زائد بنتی ہے۔
چیف سیکورٹی افسر ایرکموڈور شاہد قادرداد نے سی ای او پی آئی اے کو ایرہوسٹس بشراسلیم کو تحریری شاباشی کے سرٹیفکٹ دینے کی سفارش کردی ہے۔
سی ای او پی آئی اے ایرمارشل ارشد ملک کا ایمانداری کی مثال قائم کرنے والی ایرہوسٹس بشرا سلیم کو ٹیلیفون کیا اورایرہوسٹس بشرا سلیم کو مسافر کے ہزاروں روپے کے اماراتی درہم واپس کرنے پر شاباش دی
انہوں نے کہا کہ ایرہوسٹس بشرا سلیم جیسے ملازمین نے پی آئی اے کا سرفخر سے بلند کردیا۔
سی ای او پی آئی اے ایرمارشل ارشد ملک نے کہا کہ ایرہوسٹس کی خدمات قابل فخر ہیں۔
واضح رہے کہ پی آئی اے کے چیف ایگزیکٹو افسر ایرمارشل ارشد ملک نے ایرہوسٹس کو نقد انعام دینے کا اعلان کیا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News