مسلم لیگ ن پنجاب کے صدر اور سابق صوبائی وزیر قانون رانا ثنااللّٰہ خان کا کہناہے کہ اے پی سی کے فیصلوں پر ہر صورت عمل ہوگا،یہ بھی ہوسکتا کہ حکومت مریم نواز کو گرفتار کرے۔

رانا ثنااللّٰہ خان نے مسلم لیگ ن کی سینٹرل ورکنگ کمیٹی کے اجلاس کے بعد میڈیا سے گفتگو کرتے ہوئے کہا کہ مریم نواز 16 اکتوبر کو گوجرانوالہ میں بڑے جلسے سے خطاب کریں گی، مریم نواز کے لاہور میں بڑے جلسے کےلیے بھی انتظامات کیے جا رہے ہیں۔

انہوں نے کہا کہ ہم نے جو فیصلہ کیا ہے ہوسکتا ہے حکومت گرفتاریاں کرے ،پارٹی جوکل فیصلہ کرچکی اس پر عمل درآمد ہوگا، مسلم لیگ ن گرفتاریوں سے خوفزدہ نہیں ہے۔

رانا ثنا کا مزید کہناتھا کہ شہباز شریف کی گرفتاری کے خلاف احتجاج کا شیڈول طے کیا جارہا ہے۔