چین سے تعلق رکھنے والی کاسمیٹک کلینک سے چہرے کی جھریوں کو ختم کرنا مہنگا پڑ گیا ہے۔
غیر ملکی خبر رساں ادرے کے مطابق خاتون کا تعلق چین کے شہر ہینگ ژہو سے ہے۔
چینی خاتون نے چہرے کی جھریاں ختم کرنے کے لیے ’رنکل فلرز‘ لگوائے جس کے بعد ان کا منہ ٹیڑھا ہوگیا۔
29سالہ ژہاؤ نے مقامی کاسمیٹکس اسپتال سے چہرے پر جھریاں ختم کرنے والے فلرز انجیکشن لگوائے تھے جس کو لگوانے کے ایک ہفتے بعد خاتون جب صبح سو کر اٹھیں تو ان کا آدھا منہ مفلوج تھا۔
خاتون کا آدھا منہ مفلوج ہونے کی وجہ سے وہ اپنا منہ اور بائیں آنکھ ٹھیک سے بند بھی نہیں کر پا رہیں۔
جبکہ انہیں کھانا تک چبانے میں دشواری کا سامنا ہے اور وہ پانی بھی اسٹرا کے ذریعے پی رہی ہیں۔
اس حوالے سے خاتون کا کہنا ہے کہ روزانہ جب میں اپنے چہرے کو شیشے میں اس حالت میں دیکھتی ہوں تو میرا مرنے کا دل کرتا ہے۔
دوسری جانب ڈاکٹرز کا کہنا ہے کہ 29 سالہ چینی خاتون کو ’فیشل نیرو پیرالیسس‘ ہوا ہے اور ان کا منہ واپس پہلے کی طرح کب ہوگا اس حوالے سے کچھ کہنا قبل از وقت ہے۔
واضح رہے ڈاکٹرز نے بتایا کہ اسے ٹھیک ہونے میں کئی دن، ماہ یا سال لگ سکتے ہیں جبکہ ایسا بھی ہو سکتا ہے کہ خاتون کا منہ کبھی ٹھیک نہ ہو۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News