صحت مندانہ وزن برقرار رکھنا یا بڑھے ہوئے وزن میں کمی لانا ایک مشکل کام ہے۔
وزن کم کرنے کے دو راستے ہیں ورزش یا ڈائیٹنگ لیکن ان دونوں طریقوں میں سے صحت کے لیے بہتر کیا ہے یہ جاننا نہایت لازمی ہے۔
فٹنس و غذائی ماہرین کے مطابق ہر انسان کا وزن قد کی مناسبت سے ہونا چاہیے، بڑھا ہوا وزن نوجوان، بوڑھوں اور بچوں سب ہی کے لیے نقصان دہ ہے جس کے دیر پا مضر صحت نتائج سامنے آتے ہیں۔
طبی و غذائی ماہرین کے مطابق روزانہ کی روٹین میں خود کو متحرک رکھنا چاہیے اور مناسب صحت مندانہ غذا کا استعمال کرنا نہایت لازمی ہے۔
یاد رہے کہ وزن میں کمی دنوں میں نہیں لائی جا سکتی ہے اور نہ ہی صحت مندانہ زندگی کو راتوں رات اپنایا جا سکتا ہے۔
طبی ماہرین کے مطابق ہر ورزش ہر انسانی جسم کے لیے نہیں بنی اور نہ ہی مختلف اقسام کی ڈائیٹنگ ہر انسان پر اثر انداز ہو سکتی ہے۔
ایسے میں ماہرین غذا سے مکمل مدد حاصل کی جاسکتی ہے جبکہ ورزش کے لیے کم از کم 1 سے 3 ماہ کے لیے کسی ٹرینر سے کلاسیں لینا اہم ہے۔
ورزش کے ذریعے وزن کم کرنا
ماہرین فٹنس کے مطابق ورزش انسانی جسم کو 30 فیصد فائدہ پہنچاتی ہے تاہم وزن میں کمی کے نتائج 70 فیصد غذا پر انحصار کرتے ہیں۔
غذا میں اعتدال لانا اور ہر قسم کی غذا کا استعمال کرنا وزن میں کمی اور مطلوبہ نتائج حاصل کرنے کے لیے نہایت ضروری ہے۔
ورزش کے دوران غذا بہتر رکھیں، ٹرینر کی تجویز کردہ روٹین پر عمل کریں اور روٹین کو متحرک رکھیں۔ط
ڈائیٹنگ کیا ہے ؟
سب سے پہلے یاد رکھے کہ ڈائیٹنگ خود کو بھوکا رکھنے یا غذا سے ترسانے کا نام نہیں ہے۔
ڈائیٹنگ کا مقصد مثبت اور اعتدال میں رہ کر غذا کا استعمال کرنا ہے۔
ڈائیٹنگ کے دوران کم کیلوریز والی غذاؤں کا انتخاب اور ہر 3 یا 4 گھنٹے بعد کچھ صحت مند کھاتے رہنے کا نام ہے۔
ماہرین کے مطابق ڈائیٹنگ سے فوائد حاصل کرنے کے لیے سب کھائیں جیسے کے گوشت، سبزیاں، پھل، زیادہ سے زیادہ پروٹین ، وٹامنز اور منرلز سے بھر پور غذاؤں کا زیادہ استعمال کریں۔
پانی کا زیادہ استعمال کریں اور ساتھ میں صبح اُٹھنے کے پہلے 4 گھنٹوں کے دوران ڈیٹاکس واٹر کا استعمال لازمی کریں۔
لیکن کاربوہائیڈریٹس میٹھے اور چکنائی کا استعمال کم سے کم کر دیں۔
ڈائیٹنگ کے ساتھ دن میں کم از کم 10 سے 15 منٹ کی واک ضرور کریں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News