پاکستان سمیت ملک بھر میں جشنِ ولادت رسول ﷺ شایان شان طریقے سے مذہبی عقیدت واحترام کے ساتھ منایا گیا۔
تفصیلات کے مطابق بارہ ربیع الاول کے دن کا آغاز وفاقی دارالحکومت میں 31 توپوں کی سلامی سے ہوا جبکہ ملک بھر میں 12 ربیع الاول کی مناسبت سے سینکڑوں چھوٹے بڑے جلوس نکالے گئے۔
جشن ولادت رسولﷺ کے موقع پر ملک بھر کے مختلف شہروں میں ریلیاں اور جلوس بھی نکالے گئے جس کے لیے سیکیورٹی کے سخت انتظامات کیے گئے تھے جبکہ میلاد النبیﷺ کے موقع پر مساجد، عمارتیں اور شاہراہیں سبز پرچموں اور برقی قمقموں سے سجائی گئیں۔
اس موقع پرعاشقان رسولﷺ کی جانب سے حضرت محمد مصطفیٰ ﷺسے عقیدت و محبت کا اظہار کرتے ہوئے محافل میلاد منقعد کی گئیں جن میں پیغمبراکرم ﷺ کی شان بیان کی گئی۔
کراچی میں مرکزی جلوس نشتر پہنچ کر اختتام پذیر ہوا جہاں جماعت اہلسنت کی جانب سے جلسے کا انعقاد کیا گیا۔
جلوس کے اطراف سیکیورٹی کے سخت انتظامات کیے گئے جبکہ موبائل سروس بھی معطل رہی جبکہ راول پنڈی،اسلام آباد،لاہور،ملتان سمیت چھوٹے بڑے شہروں متعد د جلوس برآمد ہوئے اور شرکاء ہاتھوں میں جھنڈے اٹھائے درودو سلام پڑھتےجلوس کے راستوں پر گامزن رہے۔
دوسری جانب شہر اولیاء ملتان میں عید میلاد النبی کی مناسبت سے معصوم شاہ روڈ پر عاشقان رسول کے لیئے لنگر کے لیے 200 دیگیں پکائی گئیں اور شہریوں کے لیئے بڑے بڑے دستر خوان سجا دیئے گئے۔
لاہور میں خصوسی لنگر کے نام پر بار بی کیو کے اسٹال لگ گئے جبکہ درود پاک کی محفلوں کے ساتھ شہری بربی کیو بنا کر لنگر میں تقسیم کرتے رہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News