کیپٹن(ر) صفدرکی گرفتاری کی انکوائری کروائیں گے، وزیراعلیٰ سندھ

ثمرا مظہر

20th Oct, 2020. 03:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیپٹن(ر) صفدرکی گرفتاری کی انکوائری کروائیں گے، وزیراعلیٰ سندھ

وزیرِاعلیٰ سندھ مراد علی شاہ کا کہنا ہے کہ کیپٹن (ر)صفدرکی گرفتاری کی انکوائری کروائیں گے ان کی گرفتاری سے متعلق تشویش ناک باتیں سامنےآئی ہیں، ن لیگی رہنما کیخلاف مقدمے کے لیے پولیس پر دباؤ ڈالا گیا۔

کراچی میں نیوز کانفرنس کرتے ہوئے وزیرِ اعلی سندھ مراد علی شاہ نے کہا کہ پی ٹی آئی کی ناکام حکومت کیخلاف عوام نے فیصلہ سنا دیا ہے، یہ زیادہ عرصہ نہیں چل سکتی۔

سندھ مراد علی شاہ نے کہا کہ کراچی کا جلسہ دیکھ کر حکومتی وزراء کی بوکھلاہٹ عیاں تھی، جیسے جیسے جلسہ بڑھ رہا تھا یہ لوگ بوکھلاہٹ کا شکار ہورہے تھے، پولیس کو ڈرانا دھمکانا منتخب نمائندوں کا کام نہیں ہوتا، اس سازش کی انکوائریاں ہوں گی، انہوں نے ایف آئی آر کے لیے وقاص نامی شخص سے درخواست دلوائی۔

وزیراعلی نے کہا کہ جو باتیں سامنے آئی ہیں وہ تشویش ناک ہیں، ان تشویشناک باتوں کیلئے کابینہ کے لوگوں سے مشاورت کی ۔

انہوں نے بتایا کہ 3 سے 5 وزراءپر مشتمل کمیٹی بنا رہے ہیں جو اس معاملے کی انکوائری کرے گی، کمیٹی تمام لوگوں کو اس معاملے کی تفتیش کیلئے بلائے گی ۔