وزیرِاعلیٰ سندھ مراد علی شاہ کا کہنا ہے کہ کیپٹن (ر)صفدرکی گرفتاری کی انکوائری کروائیں گے ان کی گرفتاری سے متعلق تشویش ناک باتیں سامنےآئی ہیں، ن لیگی رہنما کیخلاف مقدمے کے لیے پولیس پر دباؤ ڈالا گیا۔

کراچی میں نیوز کانفرنس کرتے ہوئے وزیرِ اعلی سندھ مراد علی شاہ نے کہا کہ پی ٹی آئی کی ناکام حکومت کیخلاف عوام نے فیصلہ سنا دیا ہے، یہ زیادہ عرصہ نہیں چل سکتی۔

سندھ مراد علی شاہ نے کہا کہ کراچی کا جلسہ دیکھ کر حکومتی وزراء کی بوکھلاہٹ عیاں تھی، جیسے جیسے جلسہ بڑھ رہا تھا یہ لوگ بوکھلاہٹ کا شکار ہورہے تھے، پولیس کو ڈرانا دھمکانا منتخب نمائندوں کا کام نہیں ہوتا، اس سازش کی انکوائریاں ہوں گی، انہوں نے ایف آئی آر کے لیے وقاص نامی شخص سے درخواست دلوائی۔

وزیراعلی نے کہا کہ جو باتیں سامنے آئی ہیں وہ تشویش ناک ہیں، ان تشویشناک باتوں کیلئے کابینہ کے لوگوں سے مشاورت کی ۔

انہوں نے بتایا کہ 3 سے 5 وزراءپر مشتمل کمیٹی بنا رہے ہیں جو اس معاملے کی انکوائری کرے گی، کمیٹی تمام لوگوں کو اس معاملے کی تفتیش کیلئے بلائے گی ۔