ایل ای ڈی ٹیکنالوجی والا فیس ماسک متعارف
عالمی وبا سے محفوظ رہنے کے لیے اب فیشن ڈیزائنر چیلسیا کلوکاس...
انڈونیشیا کی قومی ایئر لائن گاروڈا نے اپنے 5 جہازوں کو چہرے کے ماسک سے مزین کردیا ہے۔
غیر ملکی خبر رساں ادارے کے مطابق دنیا بھر میں عالمی وبا کورونا وائرس سے متاثرین کی تعداد بڑھ رہی ہے، ایسے میں ہر ملک میں چہرے کا ماسک لازمی پہننے کے لیے آگاہی مہم چلائی جارہی ہے۔
انڈونیشیا میں حکومت نے کورونا آگاہی کےلیے منفرد اقدام اٹھاتے ہوئے طیاروں پر ہی فیس ماسک بنا دیا ہے۔
کمپنی نے 5 طیاروں پر فیس ماسک پینٹ کروائے ہیں تاکہ لوگوں کو کورونا کے وار سے محفوظ رہنے کے لیے ماسک لگانے کا شعور پیدا ہو۔
انڈونیشیا کی قومی ایئرلائن گاروڈا نے حکومتی مہم کی حمایت کی اور اپنے 5 جہازوں پر فیس ماسک پینٹ کروادیا، اس منصوبے کو 60 افراد نے 120 گھنٹے میں پایہ تکمیل تک پہنچایا ہے۔
جکارتا پوسٹ کی رپورٹ کے مطابق گاروڈا انڈونیشیا نے اپنے 5 طیاروں کی چونچ پر نیلے فیس ماسک پینٹ کروائے ہیں تاکہ حکومت کی ’چلو ماسک پہنیں ‘مہم کی حمایت کرسکیں۔
حکومت کی جانب سے شروع کردہ مہم چلو ماسک پہنیں کا حصہ بنتے ہوئے قومی ایئرلائن نے طیاروں کی چونچ پر فیس ماسک پینٹ کروایا ہے اور دور دیکھنے پر ایسا محسوس ہوتا ہے کہ طیاروں نے فیس ماسک پہن لیا ہو۔
ان حالات کو مدنظر رکھتے ہوئے حکومت نے آگاہی مہم ’چلو ماسک پہنیں‘ کے عنوان سے شروع کی تاکہ عوام میں مہلک وائرس سے خود کو محفوظ بنانے کا شعور بیدار کیا جاسکے۔
اس حوالے سے ایئر لائن کے ڈائریکٹر نے کہا کہ ہم کورونا وائرس کی آگاہی سے متعلق حکومتی کوشش اور مہم کی بھرپور حمایت کرتے ہیں۔
انہوں نے مزید کہا کہ جہاز پر چہرے کا ماسک پینٹ کروانا ایک طریقہ ہے، جس کے ذریعے ہم لوگوں میں ماسک پہننے کے عمل کی حوصلہ افزائی کرسکتے ہیں۔
ایئر لائن کے ڈائریکٹر نے مزید کہا کہ یہ مہم کورونا جیسی وبا کے دوران لوگوں کو چہرے پر ماسک پہننے کی ترغیب دیتی ہے تاکہ جان لیوا وائرس کے پھیلاؤ کو روکا جائے اور اگر گھر سے باہر نکلیں بھی تو چہرے ماسک لازمی لیں۔
ان کا کہنا تھا کہ ماسک پہننے کاعمل آپ کو اور دیگر افراد کو کورونا وائرس لگنے سے تحفظ دیتا ہے، لوگوں کو معلوم ہونا چاہیے کہ ہوائی جہاز کے برعکس لوگوں کے ماسک پہننے کے لیے زیادہ محنت درکار نہیں ہوتی۔
واضح رہے کہ جن طیاروں پر ماسک پینٹ کروایا گیا ہے وہ اندورن و بیرون ملک پروازیں کرتے ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News