گوگل کمپنی نے موسیقی کے شوقین لوگوں کے لیے دلچسپ فیچر متعارف کروا دیا۔

تفصیلات کے مطابق گوگل کی جانب سے گوگل کا نیا فیچر ’’ہم ٹو سرچ‘‘ (hum to search)  متعارف کروایا گیا ہے۔

مزید پڑھیں

اکاؤنٹس کو ہیک ہونے سے بچانےکیلئے گوگل کا نیا فیچر متعارف

معروف سرچ انجن گوگل نے نیا فیچر متعارف کراوا دیا۔ تفصیلات کے...

اس فیچر کی خاص بات یہ ہے کہ اگر آپ کوئی خاص نغمہ یا موسیقی کا نمونہ تلاش کرنا چاہتے ہیں تواس کا کچھ حصہ (10 سے 15 سیکنڈ تک) گنگنا دیجئے، چاہے وہ کتنا ہی مبہم کیوں نہ ہو گوگل اس سے ملتی جلتی تمام دھنیں اور گانے ڈھونڈ نکالے گا۔

خیال ریے کہ یہ فیچر بنیادی طور پر وائس سرچ کی تکنیکوں پر انحصار کرتا ہے جنہیں خاص طور پر موسیقی اور نغمے تلاش کرنے کی غرض سے مزید بہتر بنایا گیا ہے۔

 یہی وجہ ہے کہ یہ سہولت گوگل وائس سرچ میں ’’سرچ اے سانگ‘‘ کے عنوان سے متعارف کروائی جاسکتی ہے۔

دوسری جانب جو گانا بھی تلاش کرنا ہو اسے گنگنانے کے علاوہ آپ اس انداز میں سیٹی بھی بجا سکتے ہیں، گوگل تب بھی اس سے ملتی جلتی دھن یا نغمہ تلاش کرلے گا۔

یاد رہے کہ ہر نغمے اور ہر دھن میں کچھ منفرد خصوصیات ہوتی ہیں جنہیں اس کے ’’فنگر پرنٹس‘‘ قرار دیا جاسکتا ہے۔

’’حیرت کی بات یہ ہے کہ ہم ٹو سرچ‘‘ فیچر کا الگورتھم اتنا ذہین ہے کہ وہ آپ کی گنگنائی ہوئی دھن کے ’’فنگر پرنٹس‘‘ کا موازنہ دوسری دھنوں اور نغموں کے مخصوص فنگر پرنٹس سے کرتا ہے۔

یہ فیچر سیکنڈ بھر میں اس سے ملتی جلتی دھنیں اور نغمے ’’سرچ رزلٹس‘‘ میں ظاہر کردیتا ہے۔

فی الحال ایپل آئی فون کےلیے یہ فیچر صرف انگلش گانوں کو سپورٹ کرتا ہے۔

واضح رہے کہ اینڈروئیڈ والے دیگر تمام اسمارٹ فونز میں یہ فیچر 20 زبانوں میں نغموں کو تلاش کرسکتا ہے۔