وزیراعلیٰ خیبر پختونخوا محمود خان نے کہا ہے کہ یہ ترقی کوہاٹ ڈویژن کی ترقی کے لئے سنگ میل ثابت ہوگا۔
تفصیلات کے مطابق وزیراعلیٰ خیبر پختونخوا محمود خان کی زیر صدارت کوہاٹ ڈویژن کے ترقیاتی منصوبوں سے متعلق اجلاس ہوا جس میں 15 ارب روپے کی خطیر رقم سے کوہاٹ ڈویژن ڈیویلپمنٹ پراجیکٹ جلد شروع کرنے کا فیصلہ کیا گیا۔
اجلاس میں کہا گیا کہ اگلے ہفتے پراجیکٹ کا باقاعدہ اجراء متوقع ہے جبکہ پانج سالہ اس پراجیکٹ کے تحت کوہاٹ ڈویژن کے تینوں اضلاع کوہاٹ، کرک اور ہنگو میں مختلف ترقیاتی منصوبے شروع کئے جائیں گے۔
اجلاس میں یہ بھی کہا گیا کہ یہ منصوبے صحت، تعلیم، زراعت، آبپاشی، آبنوشی اور دیگر سماجی شعبوں میں شروع کئے جائیں گے جبکہ پراجیکٹ کے تحت کوہاٹ ڈویژن میں 16 چھوٹے ڈیمز بھی تعمیر کئے جائیں گے۔
اجلاس میں وزیراعلیٰ خیبر پختونخوا محمود خان نے ہدایت دی کہ پراجیکٹ کے باقاعدہ اجراء کی تیاریوں کو جلد حتمی شکل دی جائے جبکہ پراجیکٹ کے تحت منصوبوں کو متعلقہ منتخب عوامی نمائندوں کی مشاورت سے حتمی شکل دی جائے
محمود خان نے کہا کہ پراجیکٹ کے تحت متعلقہ فورمز سے ترقیاتی منصوبوں کی منظوری کو کم سے کم وقت میں یقینی بنایا جائئے جبکہ منصوبوں کی مقررہ وقت میں تکمیل کے لئے ابھی سے ضروری اقدامات اٹھائے جائے۔
وزیراعلیٰ خیبر پختونخوا محمود خان نے مزید کہا کہ کوہاٹ ڈویژن ڈیویلپمنٹ پراجیکٹ کے لئے موجودہ مالی سال کے دوران 2.98 ارب روپے مختص ہیں، پراجیکٹ کی تکمیل سے علاقے کی محرومیوں کا آزالہ ہوجائے گا اور یہ پراجیکٹ کوہاٹ ڈویژن کی ترقی کے لئے سنگ میل ثابت ہوگا۔
اجلاس میں کوہاٹ ڈویژن سے تعلق رکھنے والے منتخب نمائندوں، ایڈیشنل چیف سیکرٹری، کمشنر کوہاٹ اور دیگر متعلقہ حکام نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News