مانچسٹر یونائیٹڈ اسٹار اور ورلڈ کپ کے فاتح کھلاڑی پاول پوگبا نےمبینہ طور پر فرانسیسی فٹ بال ٹیم کو خیر باد کہہ دیا۔
میڈیا رپورٹس کے مطابق پاول پوگبا کا استعفی فرانسیسی صدر ایمانوئل میکرون کے اسلام مخالف بیان کے بعد سامنے آیا ہے جس کے تحت اب وہ فرانسیسی قومی ٹیم کے لئے نہیں کھیلیں گے۔
حال ہی میں فرانسیسی صدر ایمانوئل میکرون نے اسلام مخالف بیان دیتے ہوئے الزام عائد کیا تھا کہ اسلام بین الاقوامی دہشت گردی کا سبب ہے۔فرانسیسی صدر کے بیان کے بعد عالمی سطح پر مسلمان ممالک کی جانب سے شدید ردعمل سامنے آیا ہے اور میکرون کے بیان کی شدید الفاظ میں مذمت کی گئی ہے۔
خیال رہے کہ مانچسٹر یونائیٹڈ اسٹار نے استعفے کا فیصلہ اپنے ملک کے رہنما کے بیان پر جمعہ کے روز کیا ہے۔ ان کا استعفیٰ اتوار کو عربی کھیلوں کی ویب سائٹ میں شائع ہوا تھا۔
دوسری جانب فرانسیسی صدر کے بیان کے بعد عالمی سطح پر مسلمان ممالک کی جانب سے فرانسیسی اشیاء کا باءیکاٹ بھی کردیا گیا ہے۔
فرانس نے مشرق وسطیٰ ممالک سے مطالبہ کیا ہے کہ فرانسیسی اشیاء کا بائیکاٹ ختم کر دیں۔ فرانسیسی صدر ایمانوئل ماکروں کی جانب سے پیغمبر اسلام کے متنازعہ خاکوں کی اشاعت کے دفاع کے بعد مسلم ممالک فرانس کا بائیکاٹ کرنے کی مہم چلا رہے ہیں۔دریں اثنا لیبیا، شام اور غزہ پٹی میں فرانس کے خلاف تازہ مظاہرے بھی کیے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News