مسلم لیگ ن کے رہنما کیپٹن ریٹائرڈ صفدر نے کہا ہے کہ یہ جھوٹی ایف آئی آریں ہمارا کچھ نہیں بگاڑ  سکتی ہیں۔

مسلم لیگ ن کے رہنما کیپٹن ریٹائرڈ صفدر نے مزار قائد کے تقدس کی پامالی کے مقدمے میں پولیس اسٹیشن سے رہا ہونے کے بعد صحافیوں سے بات چیت کرتے ہوئے کہا کہ عمران خان نے مجھ پر جھوٹا مقدمہ بنوایا۔

اپنے بیان میں کیپٹن ریٹائرڈ صفدر نے کہا کہ ہم نے مادر ملت کے قدموں میں کھڑے ہوکر عہد کیا تھا  کہ جو پاکستان کمزور ہورہا ہے  اسے ہم مضبوط کریں گے۔

مسلم لیگ ن کے رہنما کیپٹن ریٹائرڈ صفدر نے مزید کہا کہ میاں نواز شریف نے گجراں والہ میں جو پیغام دیا تھا وہ جمہوریت اور پاکستان کو بچانے کا تھا جبکہ ہم آئین کی بالا دستی کے لیئے کام کریں گے۔

واضح رہے اس سے قبل مسلم لیگ ن کے رہنما کیپٹن ریٹائرڈ صفدر کو مزار قائد کے تقدس کی پامالی کے مقدمے میں گرفتار کرلیا گیا تھا جبکہ 200 افراد کے خلاف مقدمہ شہری وقاص کی مدعیت میں درج کیا گیا تھا۔

کراچی میں تھانہ بریگیڈ پولیس نے مسلم لیگ ن کے رہنما کیپٹن ریٹائرڈ صفدر کی گرفتاری کی تصدیق کی تھی۔

پولیس کا کہنا تھا کہ کیپٹن ریٹائرڈ صفدر کو آج عدالت میں پیش کرنے کا فیصلہ تاحال نہیں ہوا ہے۔

کیپٹن ریٹائرڈ صفدر کے خلاف درج مقدمے میں جان سے مارنے کی دھمکی، سرکاری املاک کو نقصان پہنچانے کی دفعات شامل ہیں، جبکہ مقدمے میں مزار قائد ایکٹ کی خلاف ورزی کی دفعات بھی شامل کی گئی ہے۔