پاکستان میں آج کورونا وائرس کے مزید 566 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 323859 تک پہنچ گئی ہے۔

تفصیلات کے مطابق ملک میں کورونا وائرس کے آج مزید 566 افراد میں مہلک وائرس کی تشخیص ہوئی جن میں سندھ میں 286، اسلام آباد میں 73، گلگت بلتستان میں 26 ، بلوچستان میں 16 ، پنجاب میں 93 ، آزاد کشمیر میں 9 جبکہ خیبر پختونخوا میں 63 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 142134 ، بلوچستان میں 15704 ، خیبرپختونخوا میں 38708 ،اسلام آباد میں 18069 ، گلگت بلتستان میں 4085 ، پنجاب 101625 اور آزاد کشمیر میں 3507 مریض موجود ہے۔

دوسری جانب خیبرپختونخوا میں 63 افراد میں کوروناوائرس کی تصدیق ہوئی جس کے بعد صوبے بھر میں کورونا وائرس کے کل کیسز کی تعداد 38708 ہوگئی ہے۔

اسی عرصے میں ترجمان پرائمری اینڈ سیکنڈری ہیلتھ کئیر نے بھی اپنے بیان میں کہا کہ پنجاب میں کورونا وائرس کے مزید 93 کیسز کی تصدیق ہوئی ہے جس کے بعد صوبے بھر میں مجموعی تعداد 101625 ہوگئی جبکہ اسلام آباد میں 73 افراد میں کوروناوائرس کی تصدیق ہو ئی جس کے بعد صوبے بھر میں کورونا وائرس کے کل کیسز کی تعداد 18069 ہوگئی ہے۔