وزیراعلیٰ خیبرپختونخوا محمود خان سے چئیرمین سی پیک اتھارٹی جنرل ریٹائرڈ عاصم سلیم باجوہ کی ملاقات ہوئی جس میں سی پیک منصوبوں کے حوالے سے تبادلہ خیال کیا گیا۔
ملاقات کے دوران سی پیک کی پاک چین مشترکہ تعاون کمیٹی کے آئندہ اجلاس میں منظوری کے لئے پیش کئے جانے والے مستقبل کے منصوبوں پربھی تبادلہ خیال کیا جبکہ جلد سے جلد رشکئی اکنامک زون کے افتتاح پر بھی اتفاق کیا۔
اس موقع پر وزیراعلیٰ خیبرپختونخوا نے کہا کہ رشکئی اکنامک زون میں صنعتوں کے قیام کے لئے 700 سے زائد درخواستیں موصول ہو چکی ہیں جبکہ صوبائی حکومت اپنی بجلی کی پیداوار رعایتی نرخوں پر مقامی صنعتوں کو فراہم کر رہی ہے
وزیراعلیٰ خیبرپختونخوا محمود خان نے مزید کہا کہ رشکئی اکنامک زون کے قیام سے صوبے میں صنعتی ترقی کے ایک نئے دور کا آغاز ہوگا۔
ملاقات میں چئیرمین سی پیک اتھارٹی جنرل ریٹائرڈ عاصم سلیم باجوہ نے کہا کہ دیگر منصوبوں کے علاوہ صوبے میں زراعت کے فروع کے لئے اہم منصوبے جے سی سی اجلاس میں منظوری کے لئے پیش کئے جائیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
