گنج پن کا شکار لوگوں کے لیے خوشخبری


اریبہ نثارویب ایڈیٹر

22nd October, 2020

کورین ٹیکنالوجی کمپنی ایل جی نے اپنی بیوٹی لائن اپ پروڈکٹس میں ایک اور پروڈکٹ کا اضافہ کیا ہے جو کہ گنج پن کم کرنے میں معاون ثابت ہوگی۔

غیر ملکی خبر رساں ادارے کے مطابق کورین کمپنی ایل جی نے ’میڈی ہیئر‘ کے نام سے گنج پن ختم کرنے والا ہیلمٹ تیار کرلیا۔

قابلِ غور بات یہ ہے کہ انتظامیہ کے مطابق جنوبی کوریا کے سوئل نیشنل یونیورسٹی اسپتال کے محققین نے اس بات کی تصدیق کی ہے کہ ’میڈی ہیئر‘ پروڈکٹ کو ہفتے میں 3 بار جب کہ مہینے میں 4 دن استعمال کرنے سے بال گھنے ہوجائیں گے۔

اس حوالے سے کمپنی کی جانب سے کہا گیا ہے کہ وہ اس ماہ کے آخر میں اس پروڈکٹ کو پیش کریں گے۔

واضح رہے کہ اس پروڈکٹ کا نام ’میڈی ہیئر‘ ہے جو کہ دکھنے میں ایک عام ہیلمٹ کی طرح ہے لیکن یہ بالوں کو دوباہ اُگانے میں مدد کرے گی۔