قومی رابطہ کمیٹی نے اِن ڈور شادیوں کی تقریبات پر مکمل طور پر پابندی عائد کر دی ۔
تفصیلات کے مطابق وزیر اعظم عمران خان کی زیر صدارت قومی رابطہ کمیٹی کا اجلاس ہوا جس میں کورونا ایس او پیز کے تحت اہم فیصلوں کی منظوری دے دی گئی۔
اجلاس میں معاشی سرگرمیوں کو کم سے کم متاثر کرتے ہوئے کورونا وائرس پھیلاؤ والی ہائی رسک سرگرمیوں کو محدود کرنے کا فیصلہ کرتے ہوئے 300 سے زائد افراد پر مشتمل تمام آؤٹ ڈور سرگرمیوں پر پابندی کا فیصلہ کرلیا گیا۔
قومی رابطہ کمیٹی نے اِن ڈور شادیوں کی تقریبات پر مکمل طور پر پابندی عائد کر دی ۔ آؤٹ ڈور شادی تقریبات میں 300 افراد تک کی شمولیت کی اجازت ہوگی۔
اس کے علاوہ ریسٹورینٹس میں اِن ڈور کھانے کی اجازت ہوگی۔ریسٹورنٹس سے متعلق ایک ہفتے بعد دوبارہ جائزہ لیا جائے گا۔
تعلیمی اداروں میں ایک ہفتے میں موسم سرماء کی چھٹیاں قبل از وقت کرنے کے حوالے سے فیصلہ کیا جائے گا۔ تعلیمی اداروں میں چھٹیوں کے حوالے سے فیصلہ سازی میں تمام صوبوں سے مشاورت کی جائے گی۔
قومی رابطہ کمیٹی نے تمام عوامی مقامات پر ماسک کا استعمال یقینی بنانے کے لیے لوکل اتھارٹیز کو ہدایات کردیں۔
وزیر اعظم کی جانب سے رشکئی کے پی کے میں پی ٹی آئی کے سیاسی جلسے کو بھی منسوخ کر دیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News