اسلام آباد کی تاریخ میں جیولری شاپ پر ہونے والی سب سے بڑی ڈکیتی کا کا مقدمہ درج کرلیا گیا ہے ۔

تفصیلات کے مطابق شیخ محمد فرید نامی جیولرز نے اسلام آباد کے تھانہ کوہسار میں مقدمہ درج کرالیا ہے ۔ ایف آئی آر میں کہا گیا ہے کہ تین افراد جیولری دیکھنے کے بہانے دکان پر آئے اور کافی دیر تک جیولری پسند کرنے کے بعد ایک دم مجھ پر پستول تان لی۔

ایف آئی آرکے مطابق چوردکان سے 350 سے 400 تولے سونا اور 40 لاکھ روپے نقدی لیکر فرار ہو گئے۔
جیولری شاپ کے مالک کی جانب سے درج کرائی گئی ایف آئی آر میں کہا گیا ہے کہ ڈکیتوں نے مجھے اور میرے ملازم کوریسٹ روم میں بند کیا اور فرار ہوگئے۔

جیولرمحمد فرید کے مطابق تینوں چوروں کی عمر 25 سے 45 سال کے درمیان تھی جبکہ ملزمان سامنے آنے پر ملزمان کو شناخت کر سکتا ہوں۔

دوسری جانب پولیس حکام کا کہنا ہے کہ سپر مارکیٹ میں جیولرز کی دکان پر ہونے والی ڈکیتی کے شواہد اکھٹے کیے جا رہے ہیں اور معاملے کی ہر زاویے سے تحقیقات کی جائے گی۔