پیپلزپارٹی کے ایم این اے عبدالکریم بجارعالمی وبا کا شکار


ثمرا مظہرویب ایڈیٹر

25th November, 2020
Square ad 300 x 250

 ایک اور پارلیمنٹیرین کورونا کا شکارہوگئے، کراچی سے ایم این اے جام عبدالکریم بجار کورونا وائرس کا شکار ہوگئے ۔

تفصیلات کے مطابق پیپلز پارٹی سے تعلق رکھنے والے عبدالکریم بجار جوکھیو کا کورونا ٹیسٹ مثبت آیا ہے جس کے بعد انہوں نے خود کو قرنطینہ کرلیا۔

دوسری جانب این سی او سی کے تازہ ترین اعدادوشمار کے مطابق کورونا وائرس سے 59 افراد جاں بحق ہوگئے، جس کے بعد اموات کی تعداد 7 ہزار 803 ہوگئی۔ پاکستان میں کورونا کے تصدیق شدہ کیسز کی تعداد 3 لاکھ 82 ہزار 892 ہوگئی۔

گذشتہ 24 گھنٹوں کے دوران 3 ہزار 9 نئے کیسز رپورٹ ہوئے، پنجاب میں ایک لاکھ 15 ہزار 786، سندھ میں ایک لاکھ 66 ہزار 33، خیبر پختونخوا میں 45 ہزار 314، بلوچستان میں 16 ہزار 891، گلگت بلتستان میں 4 ہزار 573، اسلام آباد میں 27 ہزار 979 جبکہ آزاد کشمیر میں 6 ہزار 316 کیسز رپورٹ ہوئے۔