چینی مسلمانوں پرمظالم، پوپ فرانسس نے بھی آواز اٹھا دی


ثمرا مظہرویب ایڈیٹر

24th November, 2020
Square ad 300 x 250

پوپ فرانسس بھی چین میں مسلمانوں پر ظلم و ستم پر بول پڑے۔

غیر ملکی خبررساں ادارے کے مطابق انسانی حقوق کی تنظیموں کی جانب سے پوپ فرانسس کو چینی ایغور مسلمانوں پر ہورہے حکومتی مظالم پر مطلع کیا جاتا رہا ہے جس پر پوپ فرانسس بھی چین کے ایغور مسلمانوں کی حمایت میں بول پڑے ہیں۔

پوپ فرانسس نے کہا کہ ہم سب کو اس وبا کیخلاف متحد ہوکر لڑنا ہے اور ایک بہتر مستقبل کی طرف قدم بڑھانا ہے جس میں تمام انسانوں کے حقوق یکساں ہوں گے۔

انہوں نے کہا کہ میں اکثر روہنگیا اور چینی ایغور مسلمانوں کے بارے میں سوچتا ہوں کہ اُن پر کیسے کیسے مظالم ڈھائے گئے۔

واضح رہے کہ اس سے قبل پوپ فرانسس برما میں مسلمانوں کی نسل کُشی کیخلاف بھی بیان دے چکے ہیں جبکہ یہ پہلی بار ہے کہ پوپ فرانسس نے چین کے ایغور مسلمانوں کا ذکر کیا ہے۔