قومی کرکٹ ٹیم کے سابق کپتان وسیم اکرم کی اہلیہ اور سماجی کارکن شنیرا اکرم ایک بار پھر پاکستانی شہریوں سے ناراض ہوگئیں۔

تفصیلات کے مطابق شنیرا نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ ’گاڑی سے باہر کچرا کہیں بھی پھینک دینا آپ کو کاہل، گندا، غیر مہذب بناتا ہے‘۔

انہوں نے شہریوں پر ناراضی کا اظہار کرتے ہوئے مزید کہا کہ ایسے غلط کام کرنے والے یہ ظاہر کرتے ہیں کہ ان کی معاشرے میں کوئی عزت نہیں ہے۔

Throwing rubbish out your car window not only makes you a lazy, dirty, inconsiderate person, it shows you are someone who has absolutely no respect for your country or anyone in it!

Advertisement

— Shaniera Akram (@iamShaniera) November 23, 2020

 شنیرا اکرم نے یہ بھی لکھا کہ ایسی حرکتیں کرنے والوں کی ذہنی کیفیت سے یہ ظاہر ہوتا ہے کہ وہ ایسے شخص ہیں جس کیلئے اپنے ملک یا یہاں بسنے والے لوگوں کیلئے قطعی کوئی احترام نہیں ہے۔

خیال رہے کہ اس سے قبل بھی شنیرا اکثرساحل کی صفائی اور گندگی کے کیخلاف مہم چلانے کے حوالے سے خبروں میں رہیں ہیں۔

صرف یہی نہیں بلکہ شنیرا اکرم نے پاکستان میں بچوں کے جنسی استحصال اور بدسلوکی کیخلاف بھی آواز بلند کی ۔