پاکستان مسلم لیگ (ن) کی نائب صدر مریم نواز شریف نے کہا ہے کہ ہر گرفتاری حکومت کے خاتمے کی تحریک کو اور تیز کرے گی۔
پاکستان مسلم لیگ (ن) کی نائب صدر مریم نواز شریف نے پاکستان پیپلز پارٹی کے رہنما علی موسیٰ گیلانی اور ان کے ساتھیوں کی گرفتاری کی شدید مذمت کرتے ہوئے کہا کہ یہ اوچھی حرکتیں عوام دشمن حکومت کی فسطائی سوچ کو مزید بے نقاب کرتی ہیں۔
مریم نواز شریف نے کہا کہ ہر گرفتاری سلیکٹڈ حکومت کے خاتمے کی تحریک کو اور تیز کرے گی، کارکنان اور عوام کے جذبات کو بڑھائے گی۔
پاکستان مسلم لیگ (ن) کی نائب صدر مریم نواز شریف نے مزید کہا کہ ووٹ چور غلط فہمی میں ہیں کہ فسطائی ہتھکنڈوں، جیل، جھوٹے مقدمات اور ہتھکڑیوں سے پی ڈی ایم کی عوامی تحریک روک لیں گے۔
یاد رہے اس سے قبل پنجاب کے ضلع ملتان میں سابق وزیر اعظم سید یوسف رضا گیلانی کے صاحبزادے علی موسیٰ گیلانی احتجاج کے لیے تھانہ چہلیک پہنچے تھے جہاں انہیں گرفتار کیا گیا تھا۔
پولیس نے پیپلزپارٹی کی جانب سے بغیر اجازت ریلی نکالنے پر مقدمہ درج کر لیا ہے۔
مقدمے میں سابق وزیراعظم یوسف رضاگیلانی کے 4 بیٹوں سید عبدالقادر گیلانی، علی موسی گیلانی ، حیدر گیلانی اور قاسم گیلانی کے علاوہ پیپلزپارٹی کے رہنما خواجہ رضوان، ڈویثرنل صدر خالد لودھی کو بھی مقدمےمیں نامزد کیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News