چئیرمین پیپلز پارٹی بلاول بھٹو زرداری نے کہا ہے کہ  پیپلز پارٹی ملک میں جمہوری جدوجہد کی معمار ہے۔

تفصیلات کے مطابق پاکستان پیپلز پارٹی کا 53 واں یوم تاسیس پر چئیرمین پیپلز پارٹی بلاول بھٹو زرداری اپنے پیغام میں کہا کہ پاکستان پیپلز پارٹی نے پانچ دہائیوں سے آمروں کے خلاف جنگ لڑی ہے۔

چئیرمین پیپلز پارٹی نے کہا کہ پیپلز پارٹی عوام کی مرضی کے آئین و پارلیمان کی بالادستی کے لیئے اپنا کردار ادا کر رہی ہے۔

بلاول بھٹو زرداری نے یہ بھی کہا کہ پیپلزپا ٹی کی قیادت اور کارکنان نے جمہوریت ملک کی خاطر بدترین آمروں اور انکے ہتھکنڈوں، تشدد، قید و بند اور شہادتوں کا بڑے حوصلے سے سامنا کیا ہے۔

چئیرمین پیپلز پارٹی کا کہنا تھا کہ پاکستان پیپلز پارٹی کے بانی قائد شہید ذوالفقار علی بھٹو اور چیئرپرسن شہید محترمہ بینظیر بھٹو کے مشن کو آگے بڑھائیں گے۔

بلاول بھٹو زرداری کا یہ بھی کہنا تھا کہ یوم تاسیس کے جلسے سے پہلے جیالوں کے خلاف دہونس دھمکیوں، گرفتاریوں اور جسمانی تشدد نے یہ ثابت کردیا سلیکٹڈ حکومت آمریت کا ایک جیتا جاگتا نمونہ ہے۔

چئیرمین پیپلز پارٹی بلاول بھٹو زرداری کا مزید کہنا تھا کہ پی پی کے ملتان میں یوم تاسیس کے جلسہ میں پی ڈی ایم کی پوری قیادت کو مدعو کیا ہے جبکہ آصفہ بھٹو زرداری ملتان کےعظیم الشان جلسہ عام میں میری نمائندگی کریں گی اور ملتان جلسے میں پی ڈی ایم کے تمام رہنماؤں کا استقبال کریں گی۔