محکمہ موسمیات کا کہناہے کہ ملک کے بیشتر علاقوں میں  بارش جبکہ بالائی علاقوں میں آج برفباری کا امکان ہے۔

محکمہ موسمیات کا کہناہے کہ ملک کے بیشتر بالائی اور وسطی علاقوں میں مطلع ابر آلود رہے گا جبکہ اسلام آباد میں مطلع ابر آلود رہنے کے علاوہ ہلکی بارش بھی متوقع ہے۔

محکمہ موسمیات کے مطابق خیبر پختونخوا کے بالائی علاقوں میں بارش اور پہاڑوں پر برفباری کی توقع ہے۔

محکمہ موسمیات کے مطابق خیبر پختونخوا کے علاقوں پشاور، مردان، کوہاٹ، بنوں، ڈی آئی خان، وزیرستان اور کرم ایجنسی میں بارشیں ہونے کا امکان ہے جبکہ دیر، چترال، مالاکنڈ، سوات، مانسہرہ، ابیٹ آباد، کوہستان میں بھی بارش متوقع ہے۔

پنجاب میں میانوالی، گوجرانوالہ، سیالکوٹ اور نارووال سمیت مختلف علاقوں میں ہلکی بارش کا امکان ہے۔ کشمیر میں مطلع ابر آلود رہنے کے علاوہ بارش اور پہاڑوں پر برفباری کی توقع ہے۔

مانسہرہ، گلیات ایوبیہ، شوگران، ناران اور کاغان میں وقفے وقفے سے برفباری کا امکان ہے جبکہ وادی لیپہ میں بارش کے بعد برفباری کا سلسلہ جاری ہے جو تین روز تک جاری رہے گا۔

دوسری جانب بلوچستان کے بیشتر اضلاع میں موسم خشک رہے گا تاہم شمالی بلوچستان میں مطلع جزوی ابر آلود رہنے کا امکان ہے۔ سندھ کے بیشتر علاقوں میں بھی موسم خشک رہے گا لیکن سکھر اور لاڑکانہ میں مطلع جزوی ابر آلود رہے گا۔