مسلم لیگ(ن)پنجاب کی ترجمان عظمی بخاری نے فردوس عاشق کی پریس کانفرنس پر ردعمل دیتے ہوئے کہا کہ فردوس چاچی کا رونا دھونا روز ثابت کر رہا ہے کہ مریم نواز کا بیانیہ سرچڑھ کے بول رہا ہے۔

اپنے بیان میں عظمیٰ بخاری نے کہا کہ گلگت سے اسلام آباد اور لاہور سے کوئٹہ تک صرف ایک آواز ہے۔”ووٹ کو عزت دو”اور عزت لو اس کے سوا کوئی آپشن نہیں۔

مسلم لیگ(ن)پنجاب کی ترجمان نے کہا کہ مریم نواز نے دو ٹوک الفاظ میں کہہ دیا ہے ہمیں سلیکڈڈ شخص منظور نہیں اور عوام کے سامنے اس حکومت کے جانے کے بعد بات ہوگی۔

عظمی بخاری نے یہ بھی کہا کہ فردوس چاچی عمران خان نے اداروں کو نہیں اپنی لڑکھڑاتی حکومت کو مضبوط کرنے کی ناکام کوشش کی۔

مسلم لیگ(ن)پنجاب کی ترجمان عظمی بخاری نے مزید کہا کہ سلیکڈڈ وزیراعظم کب تک دوسرے کے کندھے استعمال کرتے رہیں گے،عمران خان پہلے گھر جائیں پھر آگے بات ہوگی اب بات صرف عوام کے ساتھ ہوگی جبکہ عوام کے سامنے ہوگی اور آئین کے مطابق ہوگی۔