سابق صدر آصف علی ذرداری کی صاحبزادی آصفہ بھٹو پی ڈی ایم کے ملتان جلسے سے خطاب کریں گی۔

تفصیلات کے مطابق یوسف رضا گیلانی نے میڈیا سے گفتگو کے دوران  پاکستان ڈیموکریٹک موومنٹ (پی ڈی ایم) کے ملتان جلسے سے متعلق بات کرتے ہوئے کہا ہے کہ 30 نومبر پیپلز پارٹی کا یوم تاسیس ہے، 30 نومبر کو آصفہ بھٹو زرداری ملتان آئیں گی اور پی ڈی ایم کے ملتان جلسے سے خطاب کریں گی۔

یوسف رضا گیلانی نے بتا یا کہ پاکستان پیپلز پارٹی کے چیئر مین بلاول بھٹو زرداری کورونا وائرس کے باعث 30 نومبر کے تاسیسی جلسے میں شریک نہیں ہوسکتے ہیں۔

انہوں نے کہا کہ حکومت جلسہ روک کر حالات خراب کررہی ہے، 30 نومبر کوجلسہ ہر صورت ہوگا۔

یوسف رضاگیلانی نے مزید کہا ہے کہ آصف علی زرداری بھی وڈیو لنک پر جلسے سےخطاب کریں گے۔

واضح رہےکہ چیئرمین پیپلزپارٹی بلاول بھٹو زرداری نے کہا کہ حکومت ملتان میں کارکنوں کی گرفتاریاں کر رہی ہے، کٹھ پتلیاں جیالوں سے خوف زدہ ہیں۔

سوشل میڈیا پر اپنے پیغام میں بلاول بھٹو نے کہا کہ جو کرنا ہے کر لیں، ہمیں پی ڈی ایم قائدین کے ہمراہ یوم تاسیس منانے سے کوئی نہیں روک سکتا، وفاقی حکومت نے ملتان میں کارکنان کی گرفتاریوں کا سلسلہ جاری رکھا ہواہے۔

Fascist regime continues to arrest Democratic activists in Multan. These puppets are scared of jiyalas. Try as they might they cannot stop PPP from marking our foundation day along with PDM leaders on 30th November. https://t.co/5DrIYbg0KF

— BilawalBhuttoZardari (@BBhuttoZardari) November 27, 2020