ترکی میں زلزلہ، 8افراد جاں بحق
ترکی کے مشرقی علاقوں میں آنے والے 5.7 شدت کے زلزلے کے...
ترکی کے مشرقی صوبے الازیغ میں زلزلے کی شدت 5 اعشاریہ 3 ریکارڈ کی گئی۔
تفصیلات کے مطابق ،ترکی کے وقت کے مطابق الازیغ میں صبح 9 بج کر 37 منٹ پر زلزلے کے جھٹکے محسوس کیئے گئے ہیں۔
خیال رہے کہ الازیغ سے 23 کلو میٹر دور تھا تاہم زلزلے کے جھٹکے دیگر صوبوں میں بھی محسوس کیئے گئے ہیں۔
اس حوالے سے ترک وزیرِ داخلہ سلیمان سوئیلو نے ٹوئٹ کے ذریعے زلزلے کی تصدیق کرتے ہوئے کہا ہے کہ زلزلے سے کوئی ہلاکت نہیں ہوئی ہے۔
ترک میڈیا کا کہنا ہے کہ زلزلے سے فوری طور پرکسی بھی قسم کے نقصان کی اطلاع نہیں ملی ہے۔
اس سے قبل ترکی کے مشرقی علاقوں میں آنے والے 5.7 شدت کے زلزلے کے باعث 8 افراد جاں بحق اور 5 زخمی ہوئے تھے۔
ترک میڈیا کے مطابق ترکی کے مشرقی علاقوں میں زلزلے کے شدید جھٹکے محسوس کیے گئے رتھے اور زلزلہ ترکی کی ایران کے ساتھ سرحدی علاقے میں آیا تھا۔
زلزلے کے باعث 8 افراد جاں بحق اور 5 زخمی ہوگئے تھے۔
زلزلےکی شدت 5.7 ریکارڈ کی گئی تھی جب کہ زلزلے کی گہرائی 5 کلو میٹر تھی۔
یاد رہے کہ زلزلے کے جھٹکے ترکی کے 43 دیہاتوں سمیت ایران کے سرحدی علاقوں میں بھی محسوس کیے گئے تھے۔
زلزلے کے باعث کئی عمارتیں تباہ ہوگئیں تھیں اور لوگ ملبے تلے دب گئے تھے، متاثرہ علاقوں میں ریسکیو ٹیمیں روانہ کردی گئی تھی۔
واضح رہے کہ رواں سال جنوری میں اسی علاقے میں آنے والے 6 اعشاریہ 8 شدت کے زلزلے کے نتیجے میں 41 افراد جاں بحق ہوئے تھے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News