پنجاب کے مختلف علاقوں میں شدید دھند

شبین رضا

05th Dec, 2020. 12:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب کے مختلف علاقوں میں شدید دھند

موسم سر ما کے آتے ہی پنجاب کے مختلف شہروں میں شدید دھند نے ڈیرے ڈال لئے ہیں۔

تفصیلات کے مطابق پنجاب کے مختلف علاقوں میں شدید دھند کاراج ہے، کئی جگہوں پر دھند کے باعث حد نگاہ 100میٹر ہو گئی۔

قومی شاہراہ پر لاہور سے ساہیوال تک حدنگاہ انتہائی کم ہوگئی۔ موٹروے پولیس نے شہریوں کو محتاط ڈرائیونگ اورفوگ لائٹس استعمال کرنے کی ہدایت کی ہے۔

ہڑپہ، کسوال، اقبال نگراور چیچہ وطنی میں حد نگاہ سو میٹر رہ گئی، شاہراہوں پرٹریفک کی روانی شدید متاثرہورہی ہے۔

اوکاڑہ میں شدید دھند کے باعث دو موٹرسائیکلیں ٹکرا گئیں ، دوبچوں سمیت چارافراد زخمی ہو گئے۔

ٹبہ سلطان پورمیں بھی دھند سے ٹریفک کی رفتارسست پڑگئی، دھند نے چشتیاں اور محسن وال کو بھی لپیٹ میں لے لیا وہاں بھی حد نگاہ کم ہونے سے ٹریفک کی روانی میں خلل پڑرہاہے۔

اس حوالے سے ترجمان موٹروے پولیس نے شہریوں کو محتاط ڈرائیونگ اورفوگ لائٹس استعمال کرنے کی ہدایت جاری کرتے ہوئے کہا ہے کہ شہری غیر ضروری سفر سے گریز کریں۔