چین نے بھی دنیا کو کورونا ویکسین کی فراہمی کا اعلان کردیا ہے۔
تفصیلات کے مطابق چین نے بھی دنیا کو کورونا ویکسین کی فراہمی کا اعلان کرتے ہوئے لاکھوں کورونا ویکسین ایئر پورٹ پہنچا دیں جبکہ آرڈر آنے پر کورونا ویکسین چین سے فوری فراہم کریں گے۔
امریکی میڈیا کی ایک رپورٹ میں کہا گیا ہے کہ چین کے شینزن ایئرپورٹ پر محفوظ انداز میں ویکسین ترسیل کویقینی بنایا جارہا ہے۔
رپورٹ میں یہ بھی کہا گیا ہے کہ چین کی کورونا ویکسین آزمائش کے آخری مرحلے میں ہے جبکہ چین اپنی کوروناویکسین ترجیحی بنیادوں پر ترقی پذیر ممالک تک پہنچانےکا ارادہ رکھتا ہے
امریکی میڈیا کی ایک رپورٹ میں مزید کہا گیا ہے کہ کسی بھی ملک سےمنظوری ملتےہی ویکسین چین سےاس ملک روانہ کردی جائیگی۔
دوسری جانب برطانوی حکومت نے کوروناویکسین کے استعمال کی منظوری دے دی۔
برطانوی میڈیا کے مطابق برطانوی حکومت نے کوروناویکسین کے استعمال کی باضابطہ منظوری دے دی ہے جس کے بعد برطانیہ کوروناویکسین کےاستعمال کی منظوری دینےوالادنیا کا پہلا ملک بن گیا ہے۔
برطانوی حکومت کی جانب سے فائزر اور بائیو این ٹیک کی ویکسین کے استعمال کی منظوری دی گئی ہے۔
برطانوی حکومت کا کہنا ہے کہ ویکسین کے استعمال کی منظوری میڈیسن اینڈ ہیلتھ کیئرپروڈکشن ریگولیٹری ایجنسی نےدی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News