پاکستان کی نامور اداکارہ و ماڈل روبیا چوہدری نے اپنے شوہر موسیقار میکال حسن سے طلاق لے لی ہے۔

تفصیلات کے مطابق روبیا چوہدری نے طلاق لینے کی تصدیق کرتے ہوئے کہا ہے کہ خراب ازدواجی زندگی میں رہنے سے علیحدہ ہوجانا بہترہے۔

اس حوالے سے روبیا چوہدری نے انسٹاگرام پر ایک طویل پوسٹ میں اپنی طلاق کے بارے میں کی ہے۔

مزید پڑھیں

کیا فیروز خان اورعلیزے کی علیحدگی کی وجہ ہانیہ عامر ہیں؟

پاکستان شوبز انڈسٹری کے سابق اداکار فیروز خان اور علیزے سلطان کے...

فوٹو اینڈ ویڈیو شیئرنگ ایپ انسٹاگرام پرروبیا چوہدری کی جانب سے پوسٹ میں اداکارہ نے بتایا کہ میں نے چند سال قبل شادی کی تھی اور اب طلاق لے لی ہے۔

یاد رہےت کہ روبیا چوہدری نے 2016 میں موسیقار میکال حسن کے ساتھ شادی کی تھی۔

ان دونوں نے ہمیشہ اپنی نجی زندگی کو سوشل میڈیا سے دور رکھا اور کبھی اپنی شادی شدہ زندگی کے بارے میں بات نہیں کی۔

خیال رہے کہ حال ہی میں سامنے آنے والی شوبز فنکاروں کے درمیان علیحدگی کی یہ تیسری خبرہے۔

اس سے قبل فرحان سعید، عروہ حسین اور فیروز خان اور علیزہ فاطمہ کے درمیان طلاق کی خبر منظر عام پر آئی تھی تاہم ان دونوں جوڑیوں نے ابھی تک اپنی علیحدگی کی خبروں کی تصدیق نہیں کی۔

ماڈل اور اداکارہ نے کہا کہ میں کبھی اپنی نجی زندگی کو لوگوں کے سامنے نہیں لائی۔

لیکن اب میں تمام لوگوں کو یہ بتانا چاہتی ہوں کہ طلاق کا مطلب ہمیشہ غم یا کسی رشتے کی موت ہوجانا نہیں ہوتا بلکہ طلاق کا مطلب یہ بھی نہیں ہے کہ لوگ کہیں ’ہائے بچی کی زندگی تباہ ہوگئی‘۔

روبیا چوہدری نے مزید کہا میں اپنی طلاق کے حوالے سے کوئی بھی خبرشیئر نہیں کرنا چاہتی تھی لیکن یہ صرف میرے بارے میں نہیں ہے بلکہ یہ ان سینکڑوں، ہزاروں خواتین کے بارے میں ہے جنہیں باورکروایا جاتا ہے کہ طلاق کے بعد انہیں شرمندگی محسوس کرنی چاہیئے۔

طلاق یافتہ خواتین کو بار بار یہ احساس دلایا جاتا ہے کہ ان کی شادی شدہ زندگی کامیاب نہیں ہوئی جس کی وجہ وہ خود ہیں۔

حد تا کہ یہ بھی مشورہ دیا جاتا ہے کہ انہیں ایک مکمل بیوی بننے کے لیے خود کو تبدیل کرنے کی ضرورت ہے۔

دوسری جانب طلاق کے حوالے سے اداکارہ نے کہا کہ طلاق کا ایک مطلب یہ بھی ہوسکتا ہے کہ بچی کی زندگی تباہ ہونے سے بچ گئی یا زندگی اورمحبت کو دوسرا موقع دینا بھی۔

روبیا چوہدری نے اپنی پوسٹ میں یہ بھی کہا کہ اب بنیادی طور پر میں الحمداللہ کہنا چاہتی ہوں۔

واضح رہے کہ روبیا چوہدری نے پوسٹ کے اختتام میں لکھا’’کچھ تو لوگ کہیں گے، لوگوں کا کام ہے کہنا، چھوڑو بیکار کی باتوں میں، کہیں بیت نہ جائے رینا۔‘‘