وزیر اعلیٰ پنجاب کی معاون خصوصی فردوس عاشق اعوان نے کہا ہے کہ کرپشن پر کوئی سمجھوتہ نہیں ہوگا۔

تفصیلات کے مطابق وزیر اعلیٰ پنجاب عثمان بزدار کی معاون خصوصی اطلاعات فردوس عاشق اعوان نے کہا ہے کہ کرپشن پر کوئی سمجھوتہ نہیں ہوگا، وزیر اعظم عمران خان کرپشن کے خاتمے کا مینڈیٹ لے کر آئے ہیں اور ان کا مشن کرپٹ عناصر کا خاتمہ ہے۔

انہوں نے کہا کہ اپوزیشن جماعتیں مفاد پرستی کی سیاست چھوڑ کر عوام اور ملکی مفاد کی بات کریں۔

انہوں نے کہا کہ عوام نے اپنے مسائل کے حل کے لیے نمائندوں کو اسمبلیوں میں بھیجا ہے لیکن کرپٹ ٹولے نے ہمیشہ ذاتی مفادات کی سیاست کی۔

معاون خصوصی نے کہا کہ راجکماری کے چہرے سے شکست کے آثار چھلک رہے ہیں اور اپوزیشن کا کرپٹ ٹولہ عوامی ہمدردی کے لیے صفائیاں پیش کر رہا ہے۔