گدھی کے دودھ کی مانگ میں اضافہ ہوگیا


ثمرا مظہرویب ایڈیٹر

22nd December, 2020
Square ad 300 x 250

یورپی ملک البانیہ میں گدھی کے دودھ کی مانگ میں بے پناہ اضافہ ہو گیا ہے۔ لوگوں کی بڑی تعداد باقاعدہ قطار بنا کر گدھی کا دودھ خرید رہی ہے۔

بین الاقوامی خبر رساں ادارے نے بتایا ہے کہ گدھی کے دودھ کی مانگ میں اضافے کی بنیادی وجہ یہ ہے کہ لوگوں کی بڑی تعداد یقین رکھتی ہے کہ اس سے عالمی وبا قراردیے جانے والے کورونا وائرس سے محفوظ رہنے میں بے پناہ مدد ملتی ہے۔

اس سلسلے میں فارم ہاﺅسز کے باہر لوگوں کی بڑی تعداد ہاتھ میں خالی بوتلیں لے کر کھڑی ہوتی ہے جس کی وجہ سے گدھی کے دودھ کی مانگ کو پورا کرنا باقاعدہ مسئلہ بن گیا ہے۔

خبر رساں ایجنسی کے مطابق مقامی افراد کا کہنا ہے کہ گدھی کا دودھ وٹامنز سے بھرپورہوتا ہے جو انسانی جسم میں قوت مدافعت بڑھانے میں معاون و مددگار بھی ثابت ہوتا ہے۔

خبر رسان ادارے کے مطابق گدھی کے دودھ کی مانگ میں ہونے والے اضافے کے بعد لوگوں کی بڑی تعداد فارم ہاسز میں گدھوں کی افزائش نسل پر بھرپور توجہ دے رہی ہے اوریہ ایک منافع بخش کاروبار بن گیا ہے۔

مقامی فارم ہاوس کے ایک مینیجر ایلٹن ککیا نے غیر ملکی نشریاتی ادارے سے بات چیت میں کہا کہ گدھی کے دودھ کی مانگ میں ہونے والے اضافے کی وجہ سے ملنے والے آرڈرز کو پورا کرنا ہمارے لیے باقاعدہ مسئلہ بن گیا ہے۔