ماہر فلکیات کی جانب سے نیا سیارہ دریافت کرلیا گیا جس کو آزاد کہکشاں میں تنہا گھومنے کے باعث ’یتیم سیارے‘ کا نام دیا گیا ہے۔

خبر رساں ادارے کے مطابق ماہر فلکیات نے ایسے سیارے جو کہکشاں میں آزادانہ گھوم رہے ہوتے ہیں، اُن میں سے ایک زمین جتنا سیارہ تلاش کرلیا ہے۔ یہ  نئی دریافت شدہ دنیا پر کسی بھی ستارے کی روشنی نہیں ہے اور یہی وجہ ہے کہ اس تنہا سیارے پر ہمیشہ رات کا وقت رہتا ہے۔

پریزمیک مسز پاساڈینا، کیلیفائن کے کالٹیک میں ایک ماہر فلکیات ہیں جو اس ٹیم کی سربراہ ہیں جس نے سیارے کو دریافت کیا ہے۔

مسز پاساڈینا کے مطابق سیارے کے پاس اپنا کوئی سورج نہ ہونے کے باعث  اس سیارے کی سطح بہت سرد ہوسکتی۔

ڈیانا ڈریگومیر، البوروک کی نیو میکسیکو یونیورسٹی میں ماہر فلکیات ہیں۔ اُن کا کہنا ہے کہ اس چھوٹے سیارے کی تلاش بہت اہمیت رکھتی ہے۔ ڈیانا ہمارے سورج کے علاوہ دوسرے ستاروں کے آس پاس سیاروں کی کھوج کرتی ہیں جس سے پتہ چلتا ہے کہ ہماری دنیا کے علاوہ اور کتنی دنیائیں ہیں۔

ڈیانا کا مزید کہنا ہے کہ اس اندھیر اور ‘یتیم’ سیارے پر شائد کوئی زندگی نہ ہو لیکن اس کی دریافت سے سائنس دانوں کو اُن جہانوں کے بارے میں معلومات ملتی ہیں جن کی تلاش مشکل ہوتی ہے۔