معروف گلوکار راحت فتح علی خان 46 برس کے ہو گئے

ثمرا مظہرویب ایڈیٹر

09th Dec, 2020. 04:45 pm

دنیا بھر میں پاکستان کا نام روشن کرنے والے معروف گلوکار استاد راحت فتح علی خان 46 برس کے ہو گئے۔

تفصیلات کے مطابق راحت فتح علی خان نے زندگی کی 46 بہاریں دیکھ لیں، وہ  9 دسمبر 1974 کو فیصل آباد میں پیدا ہوئے۔

راحت فتح علی خان کے والد کا نام فرخ فتح علی خان ہے اور وہ استاد نصرت فتح علی خان کے بھتیجے ہیں۔

راحت فتح علی خان نے اپنے کیریئر کا آغاز قوالی سے کیا، وہ ہلکی پھلکی موسیقی میں بھی اپنا ثانی نہیں رکھتے۔ گلوکار دنیا بھر میں اپنی کارکردگی کا مظاہرہ کرچکے ہیں۔

استاد راحت فتح علی خان کو 2019 میں آکسفورڈ یونیورسٹی کی جانب سے موسیقی کے شعبے میں پی ایچ ڈی کی ڈگری سے نوازا گیا، انہوں نے اپنے ملک اور خاندان کا نام پوری دنیا میں روشن کیا۔

2013میں بالی وڈ کی اداکارہ و پروڈیوسر پوجا بھٹ نے اپنی فلم ’’پاپ‘‘ میں راحت فتح علی خان کی آواز میں ایک گیت ’’من کی لگن‘‘ شامل کیا تو ہر طرف ان کی آواز کی دھوم مچ گئی۔

علاوہ ازیں انہوں نے کئی پاکستانی ڈراموں کے ٹائٹل سونگ بھی گائے جنہیں بے حد پسند کیا گیا۔

Adsence 300X250