عالمی وبا کورونا وائرس پھیلنے کی اصل وجہ جاننے کےلئے ڈبلیو ایچ او کی ٹیم چین کے شہر ووہان پہنچ گئی ہے جہاں سے یہ وبا پھوٹی تھی۔
عالمی ادارہ صحت کی ٹیم کا کہنا ہے کہ ان کا مقصد اصل وجہ تک پہنچنا ہے نا کہ چین کو ذمہ دار ٹھہرانا۔
ڈبلیو ایچ او کی ٹیم ووہاں میں ایک ماہ کا عرصہ گزارے گی جس میں دو ہفتے قرنطینہ کے ہیں۔
اس ٹیم میں وبائی اور جانوروں کے امراض کے ماہرین بھی شامل ہیں۔
چینی میڈیا کی جانب سے ڈبلیو ایچ او کے ماہرین کی ٹیم کے ووہان پہنچنے کی تصدیق کے ساتھ ساتھ ویڈیو بھی جاری کی گئی ہے۔
چند روز قبل چائنیزنیشنل ہیلتھ کمیشن کی جانب سے جاری بیان میں بتایا گیا تھا کہ ڈبلیو ایچ کی 10 ماہرین پر مشتمل ٹیم چینی سائنسدانوں کیساتھ مل کر کورونا وائرس کی ابتداء سےمتعلق تحقیق کرے گی۔
واضح رہےکہ کورونا وائرس کی ابتدا سال 2019 میں دسمبر میں چین کے شہر ووہان سے ہوئی تھی جو دیکھتے ہی دیکھتے تقریباً پوری دنیا میں پھیل گیا اور تباہی مچادی۔
خیال کیا جارہا ہے کہ کورونا ووہان میں جانوروں کی ایک مارکیٹ سے پھیلا جو کہ بعد میں جانوروں سے انسانوں میں منتقل ہوا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News