سابق صدر آصف علی زرداری نے کہا ہے کہ پی ڈی ایم متحد ہے، حکومت پر ہر طرف سے وار کرے گی۔
تفصیلات کے مطابق سابق صدر آصف علی زرداری نے پیپلز پارٹی پنجاب کے جنرل سیکرٹری چودھری منظور احمد کو ٹیلی فون کیا۔
سابق صدر نے کہا کہ ملک شدید خطرات میں ہے حکمران کوئی بڑا بلنڈر کر سکتے ہیں، حکومت کو گھر بھیجنا اس وقت بہت ضروری ہو چکا ہے
آصف علی زرداری نے یہ بھی کہا کہ اناڑی حکمرانوں کی نااہلی سے ملک کسی بڑے حادثے کا شکار ہو سکتا ہے، حکومت سے نجات کیلئے پی ڈی ایم تمام آپشنز بتدریج استعمال کرےگا۔
سابق صدر کا کہنا تھا کہ اگلے چند مہینے ملکی سیاست کے مستقبل کیلئےبہت اہم ہیں، حکمرانوں کو اب مزید کورونا کے پیچھے چھپنے نہیں دیں گے، نہ یہ ویکسین خرید سکےنہ ہی بے نظیر انکم سپورٹ پروگرام کے علاؤہ یہ کورونا پر عوام کی مدد کر سکے۔
آصف علی زرداری کا یہ بھی کہنا تھا کہ ہم نے 2008 کے عالمی معاشی بحران کے باوجود ایکسپورٹ 19 ارب سے 26ارب تک بڑھائی، ملک کا ریونیو ڈبل کیا،ملازمین کی 125فیصد تنخواہیں بڑھائیں اور سرکاری ملازمین کی پینشن میں 100 فیصد اضافہ کیا جبکہ اناڑی حکمرانوں نے آج ملک کے تمام اشاریے منفی کر دیئے ہیں۔
سابق صدر آصف علی زرداری کا مزید کہنا تھا کہ میں نے پہلے کہا تھا یہ سلیکٹڈ حکمران اپنے وزن سے خود گریں گے لیکن اب یہ گر چکے ہیں بس اب ایک آخری دھکے کی ضرورت ہے جبکہ پی ڈی ایم کے ساتھ ملکر پیپلز پارٹی اس ناکام اور ناہل ٹولے کو گھر بھیجے گی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News