وفاقی وزیر توانائی عمر ایوب نے کہا ہے کہ ہم اپوزیشن کی تحریک التوا کھلے دل سے قبول کرتے ہیں،دل کھول کر اس تحریک التوا کی حمایت کرتا ہوں۔
تفصیلات کے مطابق قومی اسمبلی کے اجلاس کے دوران وفاقی وزیر نے اپوزیشن کی جانب سے بجلی کی قیمتوں میں اضافے پر ایوان میں تحریک التوا پیش کرنے پر جواب دیتے ہوئے کہا کہ اپوزیشن دل کھول کر اور بڑے جگرے کے ساتھ جواب سننے کا حوصلہ رکھیں، اپوزیشن کے حوالے سے پیشن گوئی کررہا ہوں کہ یہ واک آؤٹ کر جائینگے۔
اجلاس کے دوران سابق وزیراعظم اور پیپلز پارٹی کے سینئر رہنما راجا پرویز اشرف کا کہناتھا کہ اس پارلیمان کو بنیادی کام پاکستان کے عوام کی جذبات کی ترجمانی ہے، وزیر خارجہ نے آسانی سے فرما دیا ،پرسوں کی بات ہے بجلی کے بلوں میں اضافہ کر دیا گیا۔ کیا یہاں بات نہیں ہونی چاہیے؟
انہوں نے کہا کہ ہم چاہتے ہیں پارلیمان کا ماحول بہتر رہے، اگر ہماری بات نہیں سنیں گےتو کیا، خدا کیلئے ہماری بات سنیں، اگر آپ غیر جانبدار رہیں گے تو سسٹم چلے گا ورنہ کوئی عزت و توقیر نہیں رہے گی۔
راجہ پرویز اشرف کا ایوان میں بحث و مباحثہ کرتے ہوئے مزید کہناتھا کہ بلوچستان سندھ اور کے پی کے لوگ یہاں پڑے ہیں وہ دربدر کی ٹھوکریں کھا رہے ہیں، کیا کوئی آپکو سمجھانے والا نہیں، آج مخلوق خدا تنگ ہے لوگ خودکشیاں کر رہے ہیں آپ کہتے ہیں سب اچھا ہے۔
راجہ پرویز اشرف کا اس موقع پر حکومتی وزرا کو تنبیہ کرتے ہوئے کہناتھا کہ اگر آپ زبردستی کرنا چاہیں گے تو ہم بھی زبردستی کریں گے، لیکن ہم چاہتے ہیں پارلیمنٹ کا تقدس قائم رہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News